भारतमा लन्च भयो बहुप्रतीक्षित मोटरसाइकल यामाहा एफजेडएक्स, नेपाल आउने सम्भावना

भारतीय बजारमा यामाहाको नयाँ नियो रेट्रो मोटरसाइकल यामाहा एफजेड–एक्स लन्च भएको छ । पहिले देखि नै विभिन्न मिडियाहरुमा तस्बिर सार्वजनिक भएको र डिलरहरुले बुकिङ लिन शुरु गरेको सो बाइक भर्चुअल लन्च गरिएको हो ।

यामाहा एसएक्सआर १२५ बाइकको डिजाइनबाट प्रभावित एफजेड–एक्समा १४९ सीसी एफजेडएस–एफआई प्लेटफर्मको इन्जिन प्रयोग गरिएको छ । यसले १२.४ बीएचपी पावर र १३.३ एनएम टर्क जेनेरेट गर्छ ।

इन्जिनका साथ ५–स्पिड गियरबक्स उपलब्ध छ । सस्पेन्सनमा मोनोसकका साथ टेलिस्कोपिक फोर्क्स उपलब्ध छ । ब्रेकिङका लागि सिंगल च्यानल एबीएसका साथ डिस्क ब्रेक दिइएको छ ।

यसको रेट्रो डिजाइन ल्यांग्वेजमा राउन्ड हेडल्याम्प, टियर ड्रप आकारको फ्युल ट्यांक, टक एन्ड रोल सिट, इन्टिग्रेटेड ग्र्याबरेल र फ्रन्ट फोर्क्सका लागि हाइलाइट गरिएको छ । त्यसैगरी एलईडी डीआरएलका साथ बाई–फङ्सनल एलईडी हेडलाइट, स्लिक एलईडी टेललाइट, ब्ल्याक आउट मेकानिकल बिट्स, ब्ल्याक अलोय ह्विल र अपस्वेप्ट एक्जस्ट दिइएको छ ।

यसमा सिल्भर हेडल्याम्प ब्राकेट र सिल्भर प्यानलको प्रयोग गरिएको छ । यसले मोटरसाइकलको समग्र लुकलाई अझै राम्रो बनाएको छ । यसमा अग्लो ह्यान्डलबार र न्युट्रल सेट फुटपेग उपलब्ध छ । यसबाट लामो दुरीको यात्रामा सहज हुन्छ । उबडखाबड सडकमा सहज यात्राका लागि ब्ल्याक प्याटर्न टायरको प्रयोग गरिएको छ ।

यसमा भएको एलसीडी क्लस्टरमा स्पिड, टेकोमिटर, ट्रिपमिटर, ओडोमिटर, फ्युल गेज, एबीएस इन्डिकेटर जस्ता महत्वपूर्ण जानकारी उपलब्ध हुन्छ । यसमा भएको वाई कनेक्ट स्मार्टफोन एपको सहयोगले ब्लुटुथसँग कनेक्ट गर्न सकिन्छ । यसबाट विभिन्न सूचना प्राप्त गर्न सकिन्छ ।

यामाहा एफजेड–एक्सको इन्ट्री लेवल भेरिएन्टको मूल्य १ लाख १६ हजार८ सय र ब्लुटुथ टेक्नोलोजीयुक्त भेरिएन्टको मूल्य १ लाख १९ हजार ८ सय भारु तोकिएको छ । यो विभिन्न तीन कलर अप्सनमा उपलब्ध हुनेछ ।

नेपाली बजारमा पनि यो मोटरसाइकल केही समय पछि आउन सक्ने अनुमान गर्न सकिनछ ।