यामाहा एफजेड २५ मोन्स्टर इनर्जी मोटोजीपी एडिसन भारतमा लन्च, यस्तो छ मूल्य र फिचर

यामाहा मोटर इन्डियाको लोकप्रिय बाइक यामाहा एफजेड २५ को नयाँ एडिसन लन्च भएको छ । भारतमा सो बाइकको एक्स शोरुम मूल्य १ लाख ३६ हजार ८०० भारु तोकिएको छ ।

कम्पनीले सो बाइकको लिमिटेड युनिट मात्र प्रोडक्शन गर्ने घोषणा गरेको छ । यद्यपि कम्पनीले यसको बारेमा केही जानकारी दिएको छैन । सो मोटोजीपी भेरिएन्टमा केही कस्मेटिक परिवर्तन देख्न सकिन्छ । कम्पनीले द कल अफ द ब्लु अभियानमा एफजेड २५ मोन्स्टर एनर्जी यामाहा मोटोजीपी एडिसन लन्च गरेको हो ।

यामाहा एफजेड २५ को स्पेशल एडिसनमा ट्यांक श्राउड, फ्युल ट्यांक र साइड प्यानलमा यामाहा मोटोजीपीको ब्रान्डिङ समावेश गरिएको छ । यसको साथै सो बाइकको ट्यांक कफन र साइड प्यानमा मोन्स्टर इनर्जी डिकल्स समावेश गरिएको छ ।

जसले बाइकको लुकलाई आक्रामक बनाएको छ । सो बाइकमा मल्टी फङ्सन नेगेटिभ एलसीडी इन्स्ट्रयुमेन्ट क्लस्टर, क्लास डी बीआई फंक्शनल एलईडी हेडलाइट, एलईडी डेटाइम रनिङ ल्याम्प र अन्य फिचर समावेश गरिएको छ । एफजेड २५ मोडलमा २४९ सीसी एयर कुल्ड, एसओएचसी, ४ स्ट्रोक, सिंगल सिलिन्डर इन्जिन समावेश गरिएको छ । जसले ८००० आरपीएममा २०.८ पीएसको पावर र ६००० आरपीएममा २०.१ एनएमको टर्क जेनेरेट गर्छ ।