नयाँ वर्षको अवसरमा देशभरका सोरुममा यामाहा एक्सचेन्ज एन्ड अपग्रेड गरिने

काठमाडौं – यामाहाले देशभरका शोरुममा एकसाथ एक्सचेन्ज मेला आयोजना गर्ने भएको छ । अँग्रेजी नयाँ वर्ष २०२२ को सन्दर्भ पारेर यामाहाले एक्स्चेन्ज मेला गर्न लागेको हो । कम्पनीले आगामी डिसेम्बर २६ देखि ३१ तारिख अर्थात पुस ११ देखि १६ गतेसम्म देशभरका सोरुममा एक्सचेन्ज एन्ड अपग्रेड कार्यक्रम गर्ने भएको छ ।

मेला अवधिभर नगद ७ हजार रुपैयाँ छुटसहित एसेसरिज निःशुल्क उपलब्ध हुनेछ । कुनै पनि ब्रान्डको पुरानो मोटरसाइकल तथा स्कुटर एक्सचेन्ज गर्दा बजार मूल्यभन्दा अतिरिक्त १० हजार रुपैयाँ मूल्यांकन गरिने कम्पनीको भनाइ छ । शून्य प्रतिशत ब्याजदरमा अन द स्पट फाइनान्स सुविधा, न्युनतम डाउन पेमेन्ट र न्यूनतम किस्ता सुविधामा यामाहा खरिद गर्ने अवसर मेला अवधिभर ग्राहकले पाउनेछन् ।

नेपाली बजारमा यामाहाका विभिन्न मोडलका मोटरसाइकल र स्कुटर रहेका छन् । यामाहाले नयाँ वर्षमा ब्रान्ड न्यु यामाहा चढ्ने अवसर प्रदान गरेको र त्यही अनुसार नयाँ मोटरसाइकल चढ्न सबैलाई अनुरोध गरेको छ ।