यामाहा एरोक्स १५५ स्कुटरको बिक्री शुरु, मूल्य ४ लाख ७४ हजार ९००

काठमाडौं – यामाहा एरोक्स १५५ स्कुटरको नेपालमा बिक्री शुरु भएको छ । यामाहा मोटरसाइकल र स्कुटरको नेपालका लागि आधिकारिक वितरक एमएडव्लू इन्टरप्राइजेजले आइतवार एक कार्यक्रमको आयोजना गरी सो म्याक्सी स्कुटरको बिक्री शुरु गरेको हो ।

भारतमा पहिले नै लन्च भइसकेको यामाहाको सो स्कुटर विविध कारणले नेपाली बजारमा उपलब्ध हुन सकेको थिएन । १२० किलोमिटर प्रतिघन्टाको उच्चतम गतीमा हाँक्न सकिने एरोक्स १५५ नेपाली बजारमा उपलब्ध स्कुटर मध्ये सवैभन्दा द्रुत गतीको स्कुटर रहेको कम्पनीले वताएको छ ।

यसमा १५५ सीसीको सिंगल सिलिन्डर, लिक्विडकुल्ड इन्जिन छ, जसमा यामाहाको भेरिएबल भल्व एक्चुएसन (भीभीए) टेक्नोलोजीको प्रयोग गरिएको छ । यसले १५ विएचपी पावर र १३.९ एनएम टर्क जेनेरेट गर्छ ।

सिंगल च्यानल एबीएस रहेको स्कुटरमा ५.५ लिटरको इन्धन ट्यांकी रहेको छ । यसमा दुई लेवल सिट, पावर सकेट सहितको फ्रन्ट पकेट र मल्टी फङसन कि स्विच रहेको छ । त्यर्सैगरी अघिल्लो भागमा एक्सटर्नल फ्युल लिड र पछिल्लो भागमा इन्टिग्रेटेड ग्रयाब रेल रहेको छ ।

१४५ एमएम ग्राउन्ड क्ल्यिरेन्स रहेको यामाहा एरोक्स १५५ मा २४.५ लिटरको ठूलो अन्डरसिट स्टोरेज छ । यसमा ५.८ इन्चको एलसीडी डिस्प्ले दिइएको छ । यसमा दिइएको यामाहा वाई–कनेक्ट एपमार्फत स्कुटर मर्मत गर्ने समय, खरावीका सुचनाहरु, माइलेज, व्याट्रीको स्तर र पार्किङ स्थानजस्ता कुराहरु ट्रयाक गर्न सकिन्छ ।

रेसिङ व्लू, ग्रे वर्मिलियन र मेटालिक व्लू गरी कुल तीन कलर अप्सनमा उपलव्ध यो स्कुटरको मूल्य नेपाली बजारमा ४ लाख ७४ हजार ९ सय रुपैयाँ निर्धारण गरिएको छ ।