पहिलो मोडुलर इलेक्ट्रिक स्कुटर अर्को वर्ष लन्च हुने

इभी स्टार्टअप कम्पनी डिस्प्याच भेहिकलले अर्को वर्ष मोडुलर इलेक्ट्रिक स्कुटर लन्च गर्ने बताएको छ । भारतीय बजारमा सार्बजनिक गरिने यो विश्वकै पहिलो मोडुलर इलेक्ट्रिक स्कुटर हुने उक्त कम्पनीले दाबी गरेको छ । यो स्कुटरको हिँजोमात्र एक टिजर भिडियो सार्बजनिक गरिएको छ । जुन एकदमै आकर्षक र हाइटेक फिचर्सले सुसज्जित रहेको देखिएको थियो ।

एकदमै टफ र एर्गोनोमिक वडी फ्रेममा निर्माण गरिने यो स्कुटरको फ्रन्ट मडगार्डमा एलइडी हेडल्याम्म राखिएको छ । यो स्कुटरमा नेभिगेसनलाई प्रयोगमा ल्याउनका लागी सजिलो होस भनेर स्मार्ट फोन अर्थात ट्याव राख्न मिल्ने एउटा सानो मोडुलर इन्स्ट्रुमेन्ट क्लस्टर दिइएको छ । राइडर सिट मुनि व्याट्री राख्ने स्थान दिइएको यो स्कुटरको पिलियन सिटमुनी सामान राख्न सकिने व्यवस्था मिलाइएको छ ।

यो कम्पनीले आफै स्कुटर उत्पादन भने नगर्ने जनाइएको छ । विश्वकै सवैभन्दा ठूलो मध्येको एक इभी निर्मातासंग संझौता गरेर आफ्नो डिजाइनमा स्कुटर निर्माण गरी बजारमा ल्याउने कम्पनीले योजना बनाएको छ । यो स्कुटर ‘मेक इन इन्डिया’ ट्यागलाइनमा आउनेछ ।