२०० किलोमिटरको रेन्ज दिने संसारको पहिलो इलेक्ट्रिक कन्भर्टिबल कार

आकर्षक कारका लागि चर्चित मिनीले आफ्नो सबैभन्दा लोकप्रिय कार कुपरको इलेक्ट्रिक भेरिएन्ट सार्वजनिक गरेको छ । यो संसारको पहिलो कन्भर्टेबल इलेक्ट्रिक कार हुनेछ । कम्पनीले यसको प्रोटोटाइप मोडल मात्र प्रस्तुत गरेको छ ।

मिनी कुपर इलेक्ट्रिक कन्भर्टेबल कार अप्रिल २०२३ सम्ममा युरोपेली बजारमा लन्च गरिने छ । यद्यपि यसको ग्लोबल लन्चको बारेमा अझै जानकारी दिइएको छैन ।

कारको उत्पादन सीमित हुनेछ र युरोपमा ९९९ युनिट मात्र बिक्री हुनेछ । यसको डिजाइन कुपरको स्ट्यान्डर्ड मोडल जस्तै हुनेछ । साथै, कारको इन्टेरियरमा कुनै परिवर्तन हुनेछैन ।

सो कार २ रङमा मात्रै उपलब्ध हुनेछ । यसका साथै कारमा राउण्ड एलईडी हेडल्याम्प र युनियन ज्याक थिमसहितको एलईडी टेलल्याम्प जडान गरिने छ ।

सो कार १८४ बीएचपी पावर जेनेरेट गर्ने इलेक्ट्रिक मोटर जडान गरिनेछ । सो कार ८.२ सेकेन्डमा १०० किमी प्रतिघण्टाको गतिमा पुग्न सक्ने कम्पनीको दाबी छ । यसले ३२.४ किलोवाटको ब्याट्री प्याकबाट २०१ किमी प्रतिघण्टा रेन्ज दिनेछ ।

फेब्रुअरी २०२२ मा लन्च गरिएको कुपर एसई कुपेको मूल्य ५२ लाख ५० हजार भारु छ । तर इलेक्ट्रिक कुपरको मूल्य भने कम्पनीले खुलाएको छैन ।