कार इन्जिनको स्पार्क प्लग कहिले र कसरी परिवर्तन गर्ने? यी कुरामा ध्यान दिनुहोस्

स्पार्क प्लग गाडीको इन्जिनको महत्त्वपूर्ण भाग हो, जसले इन्धन र हावाको मिश्रणलाई प्रज्वलित गरेर इन्जिन चलाउन मद्दत गर्छ । स्पार्क प्लग बिग्रियो भने गाडीको माइलेज घट्छ र स्टार्ट गर्न समस्या आउनुका साथै  इन्जिनको प्रदर्शन कमजोर हुन्छ ।

कहिले परिवर्तन गर्ने स्पार्क प्लग?

• तामाका स्पार्क प्लग: ३० हजार किलोमिटरमा परिवर्तन गर्नुपर्छ ।
• इरिडियम वा प्लेटिनम स्पार्क प्लग: ८० हजार देखि १ लाख किलोमिटरमा परिवर्तन गर्नुपर्छ ।
• धेरै पुराना वा बिग्रेका स्पार्क प्लग: तुरुन्तै परिवर्तन गर्नुपर्छ ।

लक्षणहरू जसले स्पार्क प्लग परिवर्तन गर्नुपर्ने संकेत गर्छ:

• गाडी स्टार्ट गर्न गाह्रो हुन्छ।
• माइलेज घट्छ।
• इन्जिन चलाउँदा झट्का वा कम्पन महसुस हुन्छ।
• एक्जस्ट पाइपबाट कालो धुँवा निस्किन्छ।
• पिकअप कम हुन्छ।

कसरी परिवर्तन गर्ने?

स्पार्क प्लग परिवर्तन गर्दा केही उपकरणहरू आवश्यक पर्छ । जस्तै: नयाँ स्पार्क प्लग, स्पार्क प्लग रिमुभर, टोर्क रेञ्च र क्लिनर वा ब्रश

कसरी परिवर्तन गर्ने?

स्पार्क प्लग परिवर्तन गर्दा पहिला गाडी बन्द गरेर चिसो हुन दिनुहोस् । इन्जिन तातो हुँदा स्पार्क प्लग परिवर्तन गर्दा क्षति पुग्न सक्छ। चिसो भइसकेपछि स्पार्क प्लगको स्थान पहिचान गर्नुहोस् किनकि अधिकांश गाडीमा सिलिन्डर हेडको माथिल्लो भागमा स्पार्क प्लग हुन्छ । त्यसपछि ध्यानपूर्वक स्पार्क प्लग तार वा क्वईल निकाल्नुहोस् । पुरानो स्पार्क प्लग निकाल्नुहोस् । नयाँ स्पार्क प्लग सही टोर्कमा कस्नुहोस् । धेरै कस्दा वा फितलो राख्दा समस्या हुन सक्छ । सही क्रममा तार वा क्वईल पुनः जडान गर्नुहोस्। अन्तमा इन्जिन स्टार्ट गरेर परीक्षण गर्नुहोस् ।

ध्यान दिनुपर्ने कुराहरू

•  गलत प्रकारको स्पार्क प्लग प्रयोग नगर्नुहोस्।
• अत्यधिक फोर्स लगाएर स्पार्क प्लग नबढाउनुहोस्।
• टोक स्पेस सही भए/नभएको जाँच गर्नुहोस्।
• यदि आफैं गर्न गाह्रो भए, मेकानिकको सहयोग लिनुहोस्।

स्पार्क प्लग सही समयमा परिवर्तन गर्दा गाडीको माइलेज, पिकअप, र इन्जिनको कार्यक्षमता राम्रो हुन्छ। नियमित जाँच र मर्मतले गाडीलाई लामो समयसम्म राम्रो अवस्थामा राख्न मद्दत गर्छ।