८ मिनेटमा खेल खत्तम : मूल्य ५० प्रतिशत बढाउँदा पनि ४८० सेकेण्डमा सबै कार बिक्रीको रेकर्ड

फक्सवागनले सबैभन्दा लोकप्रिय ह्याचब्याक गल्फको स्पेसल एडिसन गल्फ आर ३३३ लन्च गरेको छ । कम्पनीले सो कारको लिमिटेड एडिसन मात्र बजारमा ल्याएको हो ।

रिपोर्टका अनुसार लामो समयदेखि प्रतीक्षामा रहेको सो कार असामान्य तरिकाले बिक्री भएको छ । सो कारको सबै युनिट मात्र ४८० सेकेन्ड बिक्री भएको थियो । कम्पनीले यसको मूल्य पुरानो मोडलको तुलनामा ५० प्रतिशत बढाएको थियो । यो फक्सवागन गल्फको अहिलेसम्मकै सबैभन्दा महँगो भेरिएन्ट भएको छ ।

फक्सवागनले गल्फ आर ३३३ जर्मनीमा ७६ हजार ४१० युरोमा लन्च गरेको थियो । यसअघि २०२२ मा लन्च भएको गल्फको मूल्य ५९ लाख ९९५ युरो थियो ।

कम्पनीले गल्फको स्पेसल एडिसनमा २.० लिटर टर्बोचार्ज इन्जिन दिएको छ । सो इन्जिनले ३२८ हर्स पावर उत्पादन गर्छ र यसको पिक टर्क ४२० एनएमको छ । सो कारको विशेषता भनेको यसको टप स्पिड र पिकअप हो ।

कम्पनीले यसको डिजाइनमा पनि परिवर्तन गरेको छ । यसको अगाडिको ग्रिल र बम्पर परिवर्तन गरिएको छ । साथै, यसको लाइट पनि आकर्षक बनाइएको छ । यसमा नयाँ फिचर पनि समावेश गरिएको छ र कारमा प्यानोरामिक सनरुफ पनि थपिएको छ ।