अनलाइन खरिदका लागि हिरो मोटोकर्पले शुरु ग-यो भर्चुअल शोरुम

कोभिड–१९ को दोस्रो लहरलाई ध्यानमा राख्दै हिरो मोटोकर्पले भर्चुअल शोरुम सुरु गरेको छ । यस अनुसार हिरोको नयाँ बाइक खरिद गर्नको लागि शोरुममा जानु आवश्यक पर्दैन । ग्राहकले आफूलाई मनपर्ने बाइक र स्कुटर अनलाइन खरिद गर्न सकिन्छ । हिरोको वेबसाइटमार्फत बाइक वा स्कुटर खरिद गर्न सकिन्छ ।

हिरोको भर्चुअल शोरुममा ९ बाइक अनलाइन खरिद गर्न सकिन्छ । यसमा हिरो एक्सपल्स २००, एक्सट्रिम २००एस, एक्सट्रिम १६०आर, प्लेजर प्लस, मेस्ट्रो १२५, मेस्ट्रो एज११०, डेस्टिनी १२५, स्प्लेन्डर प्लस र प्यासन प्रो समावेश रहेको छ । अनलाइन खरिदको लागि ५ हजार भाररुमा बुकिङ गर्न सकिन्छ ।

ग्राहकले भर्चुअल शोरुममा आफूलाई मनपर्ने बाइक वा स्कुटर छान्दा भारतको राज्य र क्षेत्रको हिसाबले एक्स शोरुमको मूल्य देखा पर्छ । अनलाइन बाइक खरिद गर्दा ग्राहकलाई कुनै प्रकारको समस्या आएमा डिलरशिपमा कलब्याक गर्न पनि सकिन्छ । बुकिङ प्रक्रियाको लागि फोनमार्फत सहयोग प्राप्त हुन्छ ।

कोरोना भाइरसबाट बच्नको लागि कम्पनीले सामाजिक दुरीलाई ध्यानमा राखेर भर्चुअल शोरुम सुरु गरेको हो । भर्चुअल शोरुम एप्पल र एन्ड्रोइड स्मार्टफोनमा उपलब्ध रहेको छ ।