दुलहीले गाडीको बोनटमा बसेर रिल बनाउदा भयो ठुलो जरिवाना

आजकल मानिसहरु भाइरल हुन के मात्र गर्दैनन् । भाइरल हुनका लागि नियम उल्लङ्घन गरी आफ्नो जीवनलाई खतरामा पारेको घटना पनि कहि कतै सुनिन्छ ।

हालै भारतमा कारको बोनटमा बसेर दुलहीको रुपमा एक महिलाले भिडियो बनाइरहेकी थिइन्, उनले यो कारलाई सडकमा गुडाएर रिल बनाएकी थिइन् । रिल भाइरल भएको केही घन्टापछि प्रहरी कारबाहीमा उत्रिएर महिलालाई १६ हजार ५ सय रुपैयाँ जरिवाना तिराएको घटना सार्वजनिक भएको छ ।

यस्तै अर्को भिडियोमा दुलहीको पहिरन लगाएकी वामिकाले हेलमेट बिना स्कुटर चलाएको भिडियो सामाजिक सञ्जालमा राखेर केही घण्टामै निकै भाइरल भएको थियो ।

ती युवतीको नाम वामिका रहेको इलाकाको प्रहरीले थाहा पाए । प्रहरीले बानेटमा बसेको भन्दै महिलालाई १५ हजार र हेलमेट नलगाएको भन्दै १५ हजार रुपैयाँ जरिवाना गरेको थियो ।

इलाका सब इन्स्पेक्टर अमित सिंहको अनुसन्धानपछि कारको बोनटसहितको भिडियो खिचिएको र हेलमेट बिना स्कुटर चालकको भिडियो दुई महिना पुरानो भएको खुलेको छ । यी दुवै काम निकै खतरनाक भएको बताए ।

कारको बोनटमा बसेर कार चलाएमा कुनै पनि प्रकारको दुर्घटनाको जोखिम हुन सक्छ । चालकले अचानक ब्रेक लगाउनु पर्दा बोनटमा बसेको व्यक्ति खस्न सक्छ । जसका कारण उनको ज्यान समेत जान सक्छ ।