२०७८ जेठ ४ मंगलबार,

निषेधाज्ञाको समयमा उपभोग्य वस्तु आपूर्ति र ढुवानीका लागि यसरी लिन सकिन्छ पास

काठमाडौं – काठमाडौं उपत्यका र देशका विभिन्न जिल्लामा जारी निषेधाज्ञाको समयमा समेत अत्यावश्यक सामग्री ढुवानीका लागि अनलाइनबाटै पास उपलब्ध गराइने भएको छ । उद्योग, वाणिज्य तथा आपूर्ति मन्त्रालयले विद्युतीय माध्यमबाट पास उपलब्ध गराउने व्यवस्था मिलाएको हो ।

देशभर कोरोना संक्रमणको रोकथाम तथा नियन्त्रणका लागि विभिन्न जिल्ला प्रशासन कार्यालयहरुले निषेधाज्ञा आदेश जारी गरेका छन् । यो अवस्थामा नेपाल सरकारका सम्बद्ध निकाय तथा निजी क्षेत्रका संगठित छाता संगठनका प्रमुख तथा प्रतिनिधिहरुसँगको संयुक्त छलफल बैठकबाट आपूर्ति व्यवस्था सहज बनाउने निष्कर्ष निकालिएको हो ।

जसअनुसार दैनिक अत्यावश्यक उपभोग्य वस्तुहरुको आपूर्ति कार्यमा संलग्न कम्पनी, उद्योग र संस्थाहरुले उक्त कार्यका लागि प्रयोग हुने सवारी साधनको नम्बर, किसिमसहित संलग्न कामदार कर्मचारीको नाम, ठेगाना र मोबाइल नम्बरको विवरण आफ्नो औपचारिक पत्रमार्फत प्रमुख जिल्ला अधिकारी र आफ्नो संस्था दर्ता तथा आवद्ध भएको संस्थाको प्रमुखलाई विद्युतीय माध्यमबाट जानकारी गराउनुपर्नेछ ।

त्यस्तो पत्रको एक–एक प्रति चालक र कामदार कर्मचारीले आफ्नो परिचयपत्रसहित साथमा राख्नुका साथै उक्त कार्यका लागि प्रयोग गरिएको सवारीसाधनमा सबैले देख्नेगरी अगाडि ‘खाद्यान्न/फलफूल/तरकारी/दुग्ध पदार्थ ढुवानी सेवा’ भनिएको ब्यानर राख्नुपर्नेछ ।

यस्ता सवारी साधनमा चालक र कामदार कर्मचारी बाहेक अन्य व्यक्तिलाई भने राख्न पाइनेछैन । विभिन्न जिल्लाका सम्बन्धित जिल्ला प्रशासन कार्यालयको वेबसाइट खोले पछि दायाँ कुनामा रहेको प्रमुख जिल्ला अधिकारीको नाममा थिचेपछि प्रमुख जिल्ला अधिकारीको नाम सहित ईमेल आईडी देखिन्छ ।

उक्त ईमेलमा आफ्नो आधिकारिक पत्र पठाएर प्रमुख जिल्ला अधिकारीलाई पासको लागि जानकारी गराउन सकिन्छ ।

सम्बन्धित समाचारहरू

कस्तो पर्ला निषेधाज्ञाको असर अटोमोबाइल क्षेत्रमा

कस्तो पर्ला निषेधाज्ञाको असर अटोमोबाइल क्षेत्रमा

बैशाख १६ गतेदेखि पुनः निषेधाज्ञा लागू गर्ने सरकारी निर्णयसँगै व्यावसायिक...

सीडीसीले भन्यो : खोप लगाएका व्यक्तिले सार्वजनिक यातायात वाहेक अन्यमा मास्क लगाउनु पर्दैन

सीडीसीले भन्यो : खोप लगाएका व्यक्तिले सार्वजनिक यातायात वाहेक अन्यमा मास्क लगाउनु पर्दैन

केही विशेष परिस्थितिबाहेक कोभिड १९ विरुद्धको खोप पूर्ण लगाएका मानिसहरुले...

काठमाडौं उपत्यकामा १५ दिन निषेधाज्ञा थप्ने निर्णय

काठमाडौं उपत्यकामा १५ दिन निषेधाज्ञा थप्ने निर्णय

काठमाडौं – काठमाडौं उपत्यकामा १५ दिन निषेधाज्ञा थप्ने निर्णय भएको छ...

लोकप्रिय

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

कहाँ जान्छन् एक्सचेन्जमा उठाइएका पुराना मोटरसाइकल

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै...

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

जर्मन अटो ब्रान्ड बीएमडब्ल्युका बाइक अहिले नेपाली बजारमा लोकप्रिय...