आन्सर ब्याक फिचरसहितअपडेटेड यामाहा रे-जेडआर स्ट्रिट र्‍याली स्कुटर लन्च

यामाहा इन्डियाले भारतीय बजारमा रे-जेडआर स्ट्रिट र्‍याली स्कुटरको अपडेटेड मोडल लन्च गरेको छ । स्कुटरमा अब 'आन्सर ब्याक' फंक्शन र एलईडी डेटाइम रनिङ लाइट जस्ता नयाँ सुविधा थपिएको छ । यसका साथै स्कुटर हाइब्रिड इन्जिन र नयाँ कलर अप्सनसहित ल्याइएको छ ।

अपडेटेड स्कुटरको मूल्य ९८ हजार १३० भारु राखिएको छ । नयाँ अपडेटपछि स्कुटरको मूल्य अघिल्लो मोडलको तुलनामा २ हजार महँगो भएको छ । यामाहा रे-जेडआर स्ट्रिट र्‍यालीले होन्डा एक्टिभा १२५, टीभीएस जुपिटर १२५, हिरो डेस्टिनी १२५ र सुजुकी एस १२५सँग प्रतिस्पर्धा गर्नेछ ।

आन्सर ब्याक फंक्शनले भीडभाड भएका क्षेत्रमा सो स्कुटर सजिलै पत्ता लगाउन मद्दत गर्नेछ। मोबाइल एपमा ‘आन्सर ब्याक’ मा ट्याप गर्ने बित्तिकै स्कुटरका इन्डिकेटर फ्ल्यास हुन थाल्छ र बजरबाट बिप बज्छ । यसका साथै यसमा एलईडी डेटाइम रनिङ ल्याम्प पनि दिइएको छ । स्कुटरमा ड्युअल टोन कलर विकल्प सहित २ लेभल सिट समावेश छ । यसमा आइस फ्लु-वर्मिलियन, म्याट ग्रीन र म्याट ब्ल्याक समावेश छ। नयाँ अपडेट पछि, स्कुटरको स्टाइल अब पहिलेको भन्दा तेज र शक्तिशाली भएको छ। यो स्कुटरमा २१ लिटर अन्डर सिट भण्डारण छ।

सो स्कुटरमा १२५ सीसी सिंगल सिलिन्डर एयर कूल्ड इन्जिन रहेको छ । जसले ८.२ एचपी पावर र १०.३ एनएमको टर्क जेनेरेट गर्छ । इन्जिन ट्रान्समिशनका लागि सीभीटी गियरबक्ससँग ट्युन गरिएको छ । सो इन्जिन बीएस भीआई ओबीडी२ र ई-२० फ्युल अनुरूप छ र हल्का हाइब्रिड पेट्रोल स्कुटर मध्ये एक हो । यसमा अटोमेटिक स्टप र स्टार्ट फिचर र फ्युल सेव र साइलेन्ट स्टार्टको लागि स्मार्ट मोटर जेनेरेटर उपलब्ध छ ।

सो स्कुटरमा कम्फर्ट राइडिङका लागि अगाडिमा टेलिस्कोपिक सस्पेन्सन र पछाडि मोनोकोक सस्पेन्सन दिइएको छ । ब्रेकिङका लागि स्कुटरको अगाडि डिस्क र रियर ड्रम ब्रेक सेटअप दिइएको छ । यसमा साइड स्ट्यान्ड इन्जिन कट अफ स्विच र डिजिटल इन्स्ट्रयुमेन्ट स्क्रिनको साथ वाई कनेक्ट ब्लुटुथ जडान छ ।