अल्ट्राभोइलेट -याली भाेलि हुँँदै, नाडा महासचिव र कलाकार पन्तले उदघाटन गर्ने

काठमाडौं - भाेलि शनिबार काठमाडौंदेखि–ककनीसम्म हुने अल्ट्राभोइलेट -याली र टेस्ट राइडकाे उदघाटन नाडाका महासचिव सुरेन्द्र कुमार उप्रेती र हास्यकलाकार हिमेस पन्तले गर्ने भएका छन् ।

केडिया अर्गनाइजेसनका विजनेश हेड नवराज कोइरालाका अनुसार काठमाडौंको नक्साल शोरुमबाट सुरू हुने राइड नागपोखरी-लैनचौर-बालाजु-मुड्खु हुँदै ककनी पुगेर समापन हुनेछ ।

उक्त राइडमा अल्ट्राभोइलेटसँगै अन्य २५० सीसी माथिको कुनै पनि कम्पनीको बाइक लिएर राइडरले सहभागी हुन सक्ने उनले बताए । अफरोड र अनरोड दुवैको अनुभवका लागि टेष्ट राइड आयोजना गरिएको उनको भनाइ छ ।

बाइक र पेट्रोल खर्च राइडर आफैंले व्यवस्था गर्नुपर्नेछ भने सो बाहेक अन्य खर्च कम्पनीले व्यहोर्ने कोइरालाले बताए ।

नेपाली बजारमा अल्ट्राभोइलेट एफ ७७ को मूल्य १० लाख ७५ हजार रुपैयाँ रहेको छ ।