यामाहा ल्यायो ट्याक्स रिल्याक्स स्किम : २ वर्ष सम्मकै ट्याक्स यामाहाले तिरिदिने

काठमाडौं – यामाहाको नेपालका लागि आधिकारिक वितरक एमएडब्ल्यु इन्टरप्राइजेजले आफ्ना दुई पांग्रे सवारी साधनका लागि ‘ट्याक्स रिल्याक्स स्किम’ ल्याएको छ ।

सामान्यतः कम्पनीहरुले एक वर्षको सडक दस्तुर छुट उपलब्ध गराइरहेको परिप्रेक्ष्यमा यामाहाले दुई वर्षकै सडक कर छुट दिने स्किम ल्याएको हो । कुनै पनि यामाहाका शोरुममार्फत यो अफर प्राप्त गर्न सकिने कम्पनीको भनाइ छ ।

यामाहाले यो वाहेक विभिन्न आकर्षक अफरहरु उपलब्ध गराइरहेको छ । शून्य प्रतिशत ब्याजदर देखि आफूलाई उपयुक्त लाग्ने निश्चित दरको डाउन पेमेन्ट गरेर यामाहाका मोटरसाइकल वा स्कुटर लिन सकिन्छ । यसका लागि विशेष फाइनान्स सुविधा समेत उपलब्ध भइरहेको छ ।

नेपाली बजारमा विभिन्न मोडलका यामाहा मोटरसाइकल र स्कुटर उपलब्ध छन् ।