टीभीएस मोटरसाइकल र स्कुटर किन्दा दुई वर्षको कर तिर्नु नपर्ने

टीभीएस मोटरसाइकल र स्कुटर खरिद गर्दा दुई वर्षको कर नलाग्ने स्किम आएको छ । टीभीएसको आधिकारिक वितरक जगदम्वा मोटर्सले दुई आर्थिक वर्षको कर तिर्नुनपर्ने ‘नयाँ सफर विना कर’ स्किम ल्याएको हो ।

आर्थिक वर्ष २०७९/८० सकिनै लाग्दा आएको सो नयाँ स्किममा वाइक खरिद गर्दा ग्राहकले यो आर्थिक वर्ष र आगामी आर्थिक वर्षको रोड ट्याक्समा छुट पाउने छन् । यी आर्थिक वर्षको कर कम्पनी आफैले तिरिदिने भएको हो ।

सो नयाँ स्किमसंगै कम्पनीले टिभिएसको मोटरसाइकल र स्कुटरमा २५ प्रतिशत डाउनपेमेन्टको स्किम समेत लागु हुने जनाएको छ । वाँकी ७५ प्रतिशत रकमलाई सरल किस्तावन्दिमा भुक्तानी गर्दा ग्राहकले व्याज वापतको रकम तिर्नु पर्दैन ।

टीभीएसको सो स्किम देशभर रहेका सोरुममा लागु हुने कम्पनीले जनाएको छ । स्किम टीभीएसको सवै मोडलका मोटरसाइकल र स्कुटरमा उपलब्ध हुनेछ । यसअघि यामाहाले पनि यस्तै स्किम ल्याएको थियो ।