यस्तो छ टिभिएसले नेपालमै एसेम्वल गर्न लागेको अर्वन स्क्रयाम्वलर रोनिन

टिभिएसले हालसालै भारतीय बजारमा लन्च गरेको रोनिन मोटरसाइकल नेपालमै एसेम्वल हुने भएको छ । १५० सिसी माथीका मोटरसाइकल आयतमा प्रतिवन्ध लागको कारण नेपालका लागी आधिकारिक वितरक जगदम्वा मोटर्सले २२५ सिसीको यो मोटरसाइकललाई नेपालमै एसेम्वल गर्न लगोको हो । आगामी दशैसम्म यो नयाँ मोटरसाइकललाई बजारमा उतारीसक्ने जगदम्वको योजना छ ।

अर्बन स्क्रयाम्बलर रोनिनमा ड्युअल पर्पज टायर, हाई ग्राउन्ड क्लियरेन्स, गोल्डेन–डिप्ड यूएसडी फ्रन्ट फोर्क, एलईडी लाइट, बत्ती र सर्कुलर हेडल्याम्प रेट्रो थिम, पूर्ण डिजिटल राउण्ड इन्स्ट्रयुमेन्ट क्लस्टर र कम्पनीको प्याटेन्टेड टीभीएस स्मार्ट कनेक्ट ब्लुटुथ जस्ता फिचर समावेश गरिएको छ । साथै बाइकमा भ्वाइस असिस्ट फिचर उपलब्ध छ, जसले यस बाइकलाई अझ आकर्षक बनाएको छ ।

टीभीएस रोनिनमा २२५.९ सीसी सिंगल सिलिन्डर इन्जिन रहेको छ । सो इन्जिनले ७७५० आरपीएममा १५.०१ किलोवाटको पावर र ३७५० आरपीएममा १९.९३ एनएमको अधिकतम टर्क जेनेरेट गर्छ । कम्पनीले सो बाइकको टप स्पिड १२० किलोमिटर प्रतिघन्टा रहेको दाबी गरेको छ । टीभीएसले यो इन्जिनले उत्कृष्ट परफर्मेन्स दिने दाबी गरेको छ ।

यो वाइकको मूल्य भारतीय बजारमा सिंगल टोन सिंगल च्यानल एबिएसको १ लाख ४९ हजार भारु तोकिएको छ । यसैगरी ड्युअल टोन सिंगल च्यानलको मूल्य १ लाख ५६ हजार र टीभीएस रोनिन ट्रिपल–टोन ड्युअल च्यानलको मूल्य १ लाख ६८ हजार भारु राखिएको छ ।