४ लाख ५० हजारभन्दा कम मूल्यमा बिक्री सुरु हुँदै टीभीएस रोनिन

काठमाडौं–नेपाली बजारमा निकै लामो समयदखी प्रतिक्षा गरिँदै आएको टीभीएस रोनिन अब छिट्टै लन्च हुने भएको छ । नाडा अटो शो–२०२३ मा नेपाल आएको रोनिनको औपचारिक बिक्री अवको केही दिनपछि सुरु हुने आधिकारिक वितरक जगदम्बा मोटर्स स्रोतले बताएको छ । उक्त स्रोतका अनुसार सो नयाँ मोर्डन रेट्रो मोटरसाइकलको मूल्य ४ लाख ५० हजार हाराहारी तय हुनेछ । रोनिनलाई कम्पनीले देशका विभिन्न शोरुममा पठाइसकेको छ ।

भारतीय बजारमा तीनवटा भेरिएन्टमा उपलब्ध यसको दुईवटा भेरिएन्टलाई जगदम्बा मोटर्सले नाडा अटो शो–२०२३ मा सोकेस गरेको थियो । सम्भवत यी दुई भेरिएन्ट नै नेपाली बजारमा बिक्रीका लागी उपलब्ध हुनेछन् । रोनिनमा २२५.९ सीसी सिंगल सिलिन्डर इन्जिन रहेको छ ।

सो इन्जिनले ७७५० आरपीएममा १५.०१ किलोवाटको पावर र ३७५० आरपीएममा १९.९३ एनएमको अधिकतम टर्क जेनेरेट गर्छ । कम्पनीले सो बाइकको टप स्पिड १२० किलोमिटर प्रतिघन्टा रहेको दाबी गरेको छ । टीभीएसले यो इन्जिनले उत्कृष्ट परफर्मेन्स दिने दाबी गरेको छ । यो साइलेन्ट स्टार्ट सिस्टम आइएसजीसँग आउँछ ।

यो नयाँ वाइकलाई टिभिएसले डवल क्रेडल फ्रेम सस्पेन्डेड चेसिसमा निर्माण गरेको हो । ४१ एमएमको एड्जस्ट गर्न नमिल्ने सोवा विग पिस्टन फर्क र ग्यास चार्जड मोनोशक सस्पेन्सन जडान गरिएको छ । यो वाइकको कुल तौल १६० किलोग्राम रहेको छ भने डुअल च्यानल र सिंगल च्यानल एबिएस अप्सनमा उपलब्ध छ । वाइकमा १४ लिटर क्षमताको फ्युल ट्यांक जडान गरिएको छ ।

रोनिनमा नयाँ प्रविधीको डिजिटल इन्स्ट्रयुमेन्ट क्लस्टर दिइएको छ । जहाँ कम्पनीको प्याटेन्टेड टीभीएस स्मार्ट कनेक्ट ब्लुटुथ जस्ता फिचर समावेश गरिएको छ । साथै बाइकमा भ्वाइस असिस्ट फिचर उपलब्ध छ, जसले यस बाइकलाई अझ आकर्षक बनाएको छ । वाइकमा पूर्णत एलईडी लाइट र सर्कुलर हेडल्याम्प पाउन सकिन्छ ।