टीभीएस रेडरको सुपर स्क्वाड एडिसन लन्च, यस्तो छ बाइक

टीभीएसले भारतमा टीभीएस रेडरलाई मार्वलको सुपर हिरोबाट प्रेरित राइडर सुपर स्क्वाड एडिसन लन्च गरेको छ । नयाँ टीभीएस राइडर सुपर स्क्वाड एडिसनको मूल्य ९८ हजार ९१९ भारु मूल्य छ ।

बाइक २ रङमा उपलब्ध छ । मार्वलको सुपरहिरोबाट प्रेरित रेडर टीभीएसको दोस्रो बाइक हो । यसअघि यस्तै एडिसनमा एनटर्क १२५ स्कुटर लन्च गरिएको थियो । बाइकको लम्बाई २०७० एमएम, चौडाइ ७८५ एमएम, उचाइ १०२८ एमएम र ह्विलबेस १३२६ एमएम छ ।

सो बाइक एलईडी डीआरएल र आक्रामक एलईडी हेडल्याम्पको साथ धेरै स्पोर्टी देखिन्छ । यसमा स्प्लिट सिटसहितको मस्कुलर फ्युल ट्याङ्की र पछाडि एलईडी टेलल्याम्प रहेको छ ।

बाइकमा फ्रन्ट टेलिस्कोपिक फोर्क, रियर मोनोसक र १७ इन्च अलोय ह्विलसहितको फ्रन्ट डिस्क ब्रेक रहेको छ ।

टीभीएस रेडरमा १२४.८ सीसी सिंगल सिलिन्डर एयर कुल्ड फ्युल इंजेक्ट इन्जिन जडान गरिएको छ, जसले ७५०० आरपीएममा ११.२ बीएचपी र ६००० आरपीएममा ११.२ एनएमको टर्क जेनेरेट गर्छ । इन्जिनमा ५ स्पिड म्यानुअल गियरबक्स जडान गरिएको छ ।

टीभीएसले इन्धनको क्षमता बढाउनका लागि इन्टिग्रेटेड प्यासिभ स्टार्ट÷स्टप सिस्टम र न्वाइजलेस मोटर स्टार्टर प्रविधि प्रयोग गरेको छ । रेडरको फ्युल ट्यांक क्षमता १० लिटर छ ।