सप्तरंग ३ का कलाकारद्वारा भरतपुरमा ‘टीभीएस रेडर’ मोटरसाइकल सार्वजनिक

भरतपुर - शंकर ग्रुप अन्तर्गतको जगदम्बा मोटर्स प्रालिले चितवनको भरतपुरस्थित आफ्नो एक्स्क्लुसिभ शोरुम मालाश्री मोटर्समा १२५ सीसीको टीभीएस रेडर मोटरसाइकल सार्वजनिक गरेको छ । अत्याधुनिक फिचर्सले सुसज्जित नयाँ मोटरसाइकल टीभीएस रेडर हिजो भएको कार्यक्रममार्फत सार्वजनिक गरिएको हो ।

कार्यक्रममा सप्तरंग ३ का चर्चित हास्य कलाकार सन्दीप छेत्री, राजा राजेन्द्र पोखरेल, गायक राम कृष्ण ढकाल, बद्री पङ्गेनी, गायिका मिलन नेवार र अस्मिता अधिकारीको उपस्थितिमा सार्वजनिक गरिएको थियो ।

युवा लक्षित उक्त स्पोर्टी मोटरसाइकलमा एलसीडी डिजिटल स्पिडोमिटर, थ्रीभी आईटच स्टार्ट, एनिमलिस्टिक एलईडी हेडल्याम्प जस्ता फर्स्ट–ईन–क्लास फिचर्सका साथै फर्स्ट–ईन–सेग्मेन्ट अन्डर सिट स्टोरेज पनि उपलब्ध छ ।