ब्लुटुथको साथ डिजिटल स्पिडोमिटर समावेश गरी अपडेट भर्सनमा आउँदै छ टीभीएस रेडिअन

टीभीएसले चाँडै नै टीभीएस रेडिअनको अपडेट भर्सन लन्च गर्ने भएको छ । हिरो स्प्लेन्डर प्लसको एक्सटेक एडिसनसँग प्रतिस्पर्धा गर्न टीभीएसले स्मार्ट मोडल लन्च गर्न लागेको हो ।

नयाँ मोडलमा डिजिटल स्पिडोमिटर, ब्लुटुथ कनेक्टिभिटी, स्मार्ट नेभिगेसन, एलईडी डीआरएल जस्ता धेरै स्मार्ट फिचर हुनेछ । टीभीएस रेडिअन हाल ५ भेरिएन्टमा उपलब्ध छ । यसको मूल्य ५९ हजार ९२५ देखि ७४ हजार ९६६ सम्म रहेको छ ।

टीभीएस रेडिअनको नयाँ मोडलमा कम्पनीले टीभीएस रेडरको फिचर दिन सक्नेछ । टीभीएस रेडर मोडल रेडिअनसँग मिल्दोजुल्दो छ । अपडेट रेडिअन मोडलमा डिजिटल स्पिडोमिटर, ब्लुटुथ कनेक्टिभिटी, स्मार्ट नेभिगेसन, एलईडी डीआरएल हेडलाइट जस्ता स्मार्ट फिचर समावेश पछि स्प्लेन्डर भन्दा राम्रो मोडल हुने अनुमान गरिएको छ ।

टीभीएस रेडिअनको अपडेट मोडलमा रियल टाइम फ्युल एफिसियन्सी, साइड स्ट्यान्ड इन्डिकेटर, सर्भिस रिमाइन्डर, ट्यांक रेन्ज, लो फ्युल इन्डिकेटर जस्ता फिचर उपलब्ध हुनेछ । यद्यपि रेडिअनमा फ्रन्ट डिस्क ब्रेकको विकल्प हुनेछ ।