रेसिङ टिमका लागी टिभिएसले गर्यो पेट्रोनाससंग साझेदारी

रेसिङ अप्रेसनका लागी टिभिएसले मलेशियन लुब्रिकेन्ट्स ब्रान्ड पेट्रोनाससंग साझेदारी गरेको छ । उक्त साझेदारीसंगै यसअघि टिभिएस रेसिङ टिमका नामले घरेलु सर्किटमा सहभागी हुँदै आएको यो टिम अव भने पेट्रोनास टिभिएस रेसिङ टिमका नाममा सहभागी हुने जनाइएको छ ।

यो नयाँ टिमले भारतमा आयोजना हुने इन्डियन नेश्नल मोटरसाइकल रेसिङ च्याम्पियनसिप, इन्डियन नेश्नल सुपरक्रस च्याम्पियनसिप र इन्डियन नेश्नल र्याली च्याम्पियनसिपमा सहभागिता जनाउने तयारी समेत थालिसकेको छ । उक्त प्रतियोगितामा भाग लिने मोटरसाइकललाई टिभिएस र पेट्रोनास दुबैको ब्रान्ड झल्किने गरी तयार गरिने समेत जनाइएको छ ।

यो टिममा आबद्ध राइडरले आफ्नो मोटरसाइकलमा पेट्रोनास स्प्रिन्टा इन्जिन आयल प्रयोग गर्नेछन् । जसका लागी दुबै ब्रान्ड मिलेर पेट्रोनास टिभिएस ट्रु४ रेस प्रो नाममा छुट्टै इन्जिन अयाल सार्वजनि गरिनेछ । यो आयल यसै वर्षको मे १ देखी उपलब्ध हुने बताइएको छ ।

मोटर स्पोर्ट इतिहासमा विशिष्ट पहिचान वनाउन सफल पेट्रोनासले मोटोजीपी र मर्सिडिज–एएमजी फर्मूला वान टिमसंग समेत सहकार्य गरिरहेको छ । फर्मूला वान रेसमा यो लुब्रिकेन्ट्सलाई प्रयोग गरेर मर्सिडिज राइडरले ८ पटक प्रतियोगिता जितिसकेका छन् ।

विश्वप्रख्यात यो लुव्रिकेन्ट्स नेपाली बजारमा समेत उपलब्ध रहँदै आएको छ । यो लुब्रिकेन्ट्सलाई वतास अर्गनाइजेसन अन्तर्गतको त्रिथुंगा ट्र्ेडिङ कन्सर्नले आयत गरी कारोबार गरिरहेको छ ।