टीभीएस एनटर्कको बिक्री २५ लाख युनिट नाघ्यो

काठमाडौं–टीभीएस एनटर्कले २५ लाख युनिटभन्दा बढी बिक्रीको माइलस्टोन पार गरेको छ ।

भारतीय बजारमा जुपिटरपछि टीभीएसको दोस्रो सबैभन्दा बढी बिक्री हुने यो स्कुटर १२५ सीसी र १५० सीसी गरी दुई इन्जिन विकल्पमा उपलब्ध छ ।

सन् २०१८ को फेब्रुअरीमा १२५ सीसी भेरियन्टबाट बिक्री सुरु भएको यस स्कुटरमा पछि १५० सीसी भेरियन्ट पनि थपिएको थियो ।

कम्पनीका अनुसार यो स्कुटर लन्च भएको साढे चार वर्षमा १० लाख युनिट बिक्री भएको थियो भने त्यसपछिको तीन वर्षमा २० लाखको आँकडा छोएको थियो ।

१५० सीसी भेरियन्ट बजारमा आएपछि पछिल्लो १५ महिनामै थप ५ लाख युनिट बिक्री भई कुल बिक्री २५ लाख नाघेको हो ।