२० प्रतिशत डाउनपेमेन्ट र मासिक किस्ता ४ हजार २७७ देखि शुरु हुने टिभिएसको ‘ववाल फाइनान्स अफर’

टिभिएस मोटर्सको नेपालका लागि आधिकारिक वितरक जगदम्बा मोटर्सले नयाँ फाइनान्स अफर ल्याएको छ । ‘ववाल फाइनान्स अफर’ ट्यागलाइन सहित आएको उक्त अफर अन्तर्गत ग्राहकले २० प्रतिशत डाउनपेमेन्ट भुक्तानी गरेन टिभिएसको नयाँ मोटरसाइकल र स्कुटर खरिद गर्न सक्नेछन् ।

वाँकी ८० प्रतिशत रकमलाई मासिक किस्तावन्दिमा भुक्तानी गर्न सकिनेछ । यसरी भुक्तानी गर्दा किस्ता ४ हजार २७७ देखि शुरु हुने कम्पनीले बताएको छ ।

यो स्किममा एक्सचेन्ज मार्फत बाइक खरिद गर्दा ग्राहकले अतिरिक्त एक्सचेन्ज वोनस समेत पाउन सक्ने बताइएको छ । वैंक तथा वित्तिय संस्थाले अटो लोनमा कडाई गरिरहेको सन्दर्भमा आएको यो अफरले टिभिएस वाइक खरिद गर्न चाहने ग्राहकलाई फाइदा पुग्ने देखिएको छ ।

टिभिएसको हाल नेपाली बजारमा अपाचे सिरजमा आरटिआर १६०, आरटिआर १८०, आरटिआर २०० र आरआर ३१० सहित रेडर, स्ट्राइकर, म्याक्स र रेडन लगायत मोडलका मोटरसाइकल उपलब्ध छन् । यी मोटरसाइकलको मूल्य १ लाख ९४ हजारदेखि ८ लाख रुपैयाँसम्म निर्धारण गरिएको छ ।

त्यसैगरी नेपाली बजारमा टीभीएसका जुपिटर, वेगो र एनटर्क स्कुटर उपलब्ध छन् । यी स्कुटरको मूल्य २ लाख ११ हजार ९ सय देखि २ लाख ९५ हजार ९ सय रुपैयाँ सम्म छ ।