टीभीएसले नयाँ एड्भेन्चर मोटरसाइकल ल्याउने, लियो अपाचे आरटिएक्सको ट्रेडमार्क

टीभीएसले नयाँ एड्भेन्चर मोटरसाइकल ल्याउने भएको छ । एड्भेन्चर सेग्मेन्टको बजार विस्तार भइरहेको अवस्थालाई मध्यनजर गर्दै कम्पनीले सो सेग्मेन्टमा नयाँ मोटरसाइकल ल्याउन अपाचे आरटिएक्सको ट्रेडमार्क लिएको हो ।

सो नयाँ मोटरसाइकलमा ३१३ सिसीको सिंगल सिलिन्डर इन्जिन जडान हुनसक्ने आँकलन गरिएको छ । जसको पावर ३३.५२ बिचएपी र टर्क २८ एनएम हुने अनमान छ । नयाँ मोटरसाइकलमा बिएमडब्लू ३१० जीएसको अधिकांश मेकानिकल फिचर सामेल हुनसक्ने संभावना रहेको छ । टिभिएसले हाल बिएमडब्लुसंग मिलेर अपाचे आरआर ३१० र आरटिआर ३१० उत्पादन गर्दै आएको छ ।

टीभीएसको सो नयाँ एड्भेन्चर मोटरसाइकलमा डुलअ च्यानल एविएस सहितको डिस्क ब्रेक, फुल एलइडी क्लस्टर, अगाडी इन्भर्टेड फक्र्स र पछाडी प्री–लोड एड्जस्टेवल शक एब्जर्बर लगायत फिचर पाउन सकिनेछ अनुमान गरिएको छ । छिट्टै लन्च हुने अनुमान लगाइएको आरटिएक्सको मूल्य ३ लाख ५० हजार भारुसम्म पर्नसक्ने आँकलन गरिएको छ ।

सो नयाँ मोटरसाइकलले रोयल इन्फिल्ड हिमालयन, केटिएम एड्भेन्चर, हिरो एक्सपल्स, सुजुकी भी–स्ट्रोम र बिएमडब्लु जी ३१० जीएस लगायत मोटरसाइकलसंग प्रतिस्पर्धा गर्ने देखिन्छ ।