आयो टीभीएस मेरो साथी स्किम, लाइफ टाइम वारेन्टीको सुविधा र अन्य

काठमाडौं – नेपाली टु ह्विलर बजारमा टेक्नोलोजी चयाम्पियन्सको रुपमा स्थापित टीभीएसले नयाँ वर्षको अवसर पारि ‘टीभीएस मेरो साथी’ स्किम सार्वजनिक गरेको छ ।

‘टीभीएस मेरो साथी’ स्किम अन्तर्गत ग्राहकहरुले उत्कृष्ट डिजाइन, अत्याधुनिक इन्जिनियरिङ तथा नवीन प्रविधि रहेको टीभीएसको बाइक तथा स्कुटर खरिद गर्दा लाइफटाइम वारेन्टीको सुबिधा उपलब्ध गराउने भएको हो ।

गुणस्तर र टेक्नोलोजी फ्रेन्ड्ली सवारी साधनको उत्पादनमा सधैं अगाडि रहेको सो ब्रान्डले पछिल्लो समय बाइक र स्कुटरमा एडभान्स्ड फिचरहरु राख्दै प्रयोगकर्ताहरु माझ निकै ठूलो प्रभाव पार्न सफल बनेको बताएको छ । स्मार्ट कनेक्ट, रेस ट्युन्ड फ्युल इन्जेक्सन, विभिन्न राइड मोड र भोइस कमान्ड जस्ता फिचरलाई राखेर आफ्ना साधनलाई थप आकर्षक, उपयोगी र युजर फ्रेन्ड्ली बनाउँदै सबैको मन जित्न सफल टीभीएस बजारको लिडिङ् टेक्नोलोजी फोकस्ड ब्रान्ड भएको बताइएको छ ।

‘टीभीएस मेरो साथी’ स्किम अन्तर्गत ग्राहकहरुले टीभीएसका बाइक तथा स्कुटरको खरिदमा लाइफटाइम वारेन्टीको सुबिधा उपलब्ध गराएको छ भने हरेक हप्ता १०० प्रतिशत क्यास ब्याक, सियोर सट क्यास डिस्काउन्ट, र एक्सचेन्ज गर्दा बजार मूल्य भन्दा थप मुल्यांकन, बजारकै सबै भन्दा कम इएमआई तथा सजिलो फाइन्यान्स सुबिधा जस्ता आकर्षक अफरहरु उपलब्ध गराउने कम्पनीले जनाएको छ ।

यो अफर चैत्र ३०, २०८० बाट सुरु भई सीमित अवधिको लागि देशैभर लागु हुनेछ ।

नेपाली बजारमा जगदम्बा मोटर्सले टीभीएसका दुई पांग्रे सवारी साधन बिक्री–वितरण गरिरहेको छ ।