टीभीएसले पहिलो क्रुजर बाइक जुलाई ६ मा लन्च गर्दै

टीभीएसले जुलाई ६ मा आफ्नो आगामी बाइक लन्च गर्ने भएको छ । यद्यपि टीभीएसले कुन बाइक लन्च गर्ने भन्ने बारे कुनै खुलासा गरिएको छैन । रिपोर्टका अनुसार सो बाइक जेप्लिन क्रुजर वा अपाचे आरआर ३१० हुन सक्ने अनुमान गरिएको छ ।

जेप्लिन क्रुजर बाइक भारतमा लन्च हुने सम्भावना बढी छ । जेप्लिन क्रुजरको कन्सेप्ट पहिलो पटक अटो एक्स्पो २०१८ मा प्रदर्शन गरिएको थियो र कम्पनीले यस वर्षको सुरुमा बाइकको जेप्लिन आर नेम प्लेट दर्ताका लागि आवेदन पनि दिएको थियो ।

जेप्लिन आर अवधारणामा लो स्लंग क्रुजर फारम फ्याक्टर र सिंगल पीस स्टेप्ड सिट देखाएको थियो । यद्यपि यसमा अलिकति स्पोर्टियर फ्ल्याट ह्यान्डलबार पनि दिइएको छ । यसका साथै यसमा इन्टिग्रेटेड एलईडी डीआरएलको साथ हेक्सागोनल हेड लाइट एसेम्बलीका साथ चंकी, गोल्डेन–फिनिश्ड यूएसडी फ्रन्ट फोर्क समावेश गरिएको छ । सो अवधारणामा ब्ल्याक डिप्ड वायर स्पोक ह्विल पनि पाएको छ ।