टीभीएस रोनिनको विशेष संस्करण लन्च, यस्तो छ मूल्य र फिचर

टीभीएसले आफ्नो पहिलो क्रुजर मोटरसाइकल रोनिनको विशेष संस्करण लन्च गरेको छ । कम्पनीले मोटोसोल ५.० मा रोनिनको एगोन्डा एडिसन लन्च गरेको हो । जसको मूल्य १ लाख ३१ हजार भारु निर्धारण गरिएको छ ।

सो नयाँ संस्करण रोनिनको लिमिटेड संस्करण मध्येको पहिलो हो, जुन गोवाको एगोन्डा विचबाट प्रेरित छ । यसमा रेट्रो–शैलीको नीलो र रातो धर्का र सेतो हेडल्याम्प हाउजिङ भएको सेतो इन्धन ट्याङ्की जडान गरिएको छ ।

विशेष संस्करण भएपनि यसको फिचर र अन्य प्राबिधीक विशेषताहरु स्ट्यान्डर्ड संस्करणमा जस्तै छ । बाइकमा ब्लुटुथ कनेक्टिभिटीको साथ उहि पुरानै इन्स्ट्रयुमेन्ट कन्सोल उपलब्ध गराइएको छ ।

रोनिनमा २२५ सिसी, सिंगल सिलिन्डर इन्जिन जडान गरिएको छ । यसले ७,७५० आरपिएममा २० बिएपची र ३,७५० आरपिएममा २० एनएम टर्क जेनरेट गर्दछ । इन्जिन स्लिपर र असिस्ट क्लच मार्फत ५–स्पिड गियरबक्समा जोडिएको छ ।