भृकुटीमण्डपमा टीभीएस ग्रान्ड दसैं एक्सचेन्ज मेला प्रारम्भ, डाउन पेमेन्ट वापत पैसा तिर्नु नपर्ने

काठमाडौं – राजधानीको भृकुटीमण्डपमा टीभीएस ग्रान्ड दसैं एक्सचेन्ज मेला प्रारम्भ भएको छ । आगामी असोज ६ गते सम्म चल्ने उक्त मेलामा कुनै पनि ब्रान्डको पुरानो मोटरसाइकल वा स्कुटरसँग टीभीएसको मोटरसाइकल वा स्कुटर साट्न सकिने छ ।

पुरानो मोटरसाइकल वा स्कुटरलाई बजार मूल्यांकन भन्दा थप १० हजार रुपैयाँ उपलब्ध गराइने टीभीएसको नेपालका लागि आधिकारिक वितरक जगदम्बा मोटर्सले जनाएको छ । आफूलाई मन पर्ने मोडल खरिद गर्दा फाइनान्समार्फत शून्य प्रतिशत ब्याजदरको सुविधा उपलब्ध छ ।

त्यसैगरी पुरानो मोटरसाइकल वा स्कुटरको भ्यालुएसन गरिने र त्यसैलाई डाउन पेमेन्ट रकम मानिने हुनाले थप रकम डाउन पेमेन्टको रुपमा तिर्नु पर्दैन । बाँकी रकम फाइनान्समार्फत उपलब्ध गराइने हुँदा मासिक रुपमा किस्ताको रुपमा बुझाउन सकिन्छ ।

दसैंलगायतका विभिन्न चाडपर्वको पूर्वसन्ध्यामा आयोजना गरिएको सो टीभीएस ग्रान्ड दसैं एक्सचेन्ज मेलामार्फत ग्राहकले टीभीएसको नयाँ स्किम ‘६ प्राइजको सरप्राइज’ समेत पाउने छन् । यस अन्तर्गत ६ पटक सम्म विभिन्न अफर जित्ने मौका प्राप्त हुनेछ ।