टीभीएस मोटरसाइकल र स्कुटर किन्दा उपहारमा दैनिक सुनको सिक्का र १ लाखसम्म छुट

काठमाडौं–टीभीएस मोटरको नेपालका लागि आधिकारिक वितरक जगदम्बा मोटर्सले राष्ट्रव्यापी ग्राहक योजना ‘टीभीएससँग सुनको सगुन’ विशेष अफर सार्वजनिक गरेको छ ।

यो अफर विश्व बजारमा बढ्दो सुनको मूल्यलाई बिहे तथा चाडपर्वको भावनात्मक मौसमसँग जोड्दै ग्राहकलाई मूल्य र भरोसा अनुभूति गराउने उद्देश्यले सार्वजनिक गरिएको कम्पनीले बताएको छ ।

विशेष अफरको मूल उद्देश्य ग्राहकको जीवनका महत्त्वपूर्ण क्षण नयाँ परिवार, नयाँ घर र नयाँ यात्रासँग टीभीएसलाई विश्वासयोग्य साझेदारको रूपमा प्रस्तुत गर्नु रहेको कम्पनीले बताएको छ ।

सुनको दीर्घकालीन मूल्य र टीभीएस सवारीसाधनको विश्वसनीयतालाई एकै ठाउँ जोडेर ग्राहक सन्तुष्टिलाई एउटै प्लेटफर्ममा ल्याउने प्रयास गरिएको कम्पनीको भनाइ छ ।

कम्पनीले अफर अवधिमा टीभीएस बाइक वा स्कुटर खरिद गर्ने ग्राहकले नगद, फाइनान्स वा एक्सचेन्ज सबै खरिदमा दैनिक सुनको सिक्का, १ लाख रुपैयाँसम्मको क्यास छुट, सबै मोडलमा एक्सचेन्ज सुविधा, सजिलो फाइनान्स सुविधा, सबै मोडलमा लाइफटाइम वारेन्टी दिनेछ ।