सेगमेन्ट फर्स्ट फिचर सहित आयो २०२२ टीभीएस रेडिअन

टीभीएसले भारतमा अपडेटेड रेडिअन ११० सीसी कम्युटर मोटरसाइकल सार्वजनिक गरेको छ । नयाँ २०२२ टीभीएस रेडियन ६० हजार भारु मूल्यका साथ लन्च गरिएको हो । यसमा रियल–टाइम माइलेज इन्डिकेटर (आरटीएमआई) सहितको मल्टी कलर सेगमेन्ट फर्स्ट रिभर्स एलसीडी इन्स्ट्रयुमेन्ट क्लस्टर, यूएबी मोबाइल चार्जिङ पोर्ट र विभिन्न फिचरहरु थप भएको छ ।

कम्पनीले रेडिअनको इन्स्ट्रयुमेन्ट कन्सोलको तस्बिर अझै सार्वजनिक नगरेको भए पनि यो टीभीएस रेडरमा भए जस्तै हुने अनुमान गरिएको छ । रिभर्स एलसीडी इन्स्ट्रयुमेन्ट क्लस्टरमा रियल टाइम माइलेज, क्लक, सर्भिस इन्डिकेटर, लो ब्याट्री इन्डिकेटर, टप स्पिड, एभरेज स्पिड आदि डिस्प्ले हुनेछ ।

यो मोटरसाइकलमा १०९.७ सीसी सिंगल सिलिन्डर, एयरकुल्ड इन्जिन हुनेछ, जसमा टीभीएसको इकोथ्रस्ट फ्युल इन्जेक्सन टेक्नोलोजी हुनेछ । यसले ८.२ बीएचपी पावर र ८.७ एनएम टर्क जेनेरेट गर्छ । इन्जिनमा ४–स्पिड गियरबक्स र टीभीएस इन्टेलिगो प्रविधि हुनेछ ।

नयाँ २०२२ टीभीएस रेडिअन चार भेरिएन्ट र विभिन्न कलर स्किममा उपलब्ध हुनेछ ।

नेपाली बजारमा पनि पहिले देखि नै टीभीएस रेडिअन बिक्रीका लागि उपलब्ध छ । नयाँ २०२२ रेडिअन पनि भविष्यमा नेपाली बजारमा आउने अनुमान गर्न सकिन्छ ।