अपाचे आरटीआर १६० भी४ को स्पेशल एडिसन नेपाल आउँदै

काठमाडौं– टीभीएस अपाचे आरटीआर १६० भी४ एफआईको स्पेशल एडिसन नेपालमा सार्बजनिक हुने भएको छ । टीभीएस मोटर्सको नेपालका लागि आधिकारि बितरक जगदम्बा मोटर्सले सो नयाँ एडिसनलाई छिट्टै लन्च गर्ने तयारी गरेको हो ।

अपाचे आरटीआर १६० को भी४ एफआई सेग्मेन्टमा राइडरका लागि थप छनोटको बिकल्प दिने उद्देश्यका साथ स्पेसल एडिसन ल्याउने तयारी भइरहेको कम्पनीले जानकारी दिएको छ । सो स्पेसल एडिसनमा कम्पनीले सेग्मेन्टमै पहिलोपटक विभिन्न थप फिचर उपलब्ध गराएको छ ।

सो मोटरसाइकलमा कम्पनीले सेग्मेन्टमै पहिलो पटक तीनवटा राइडिङ मोड तथा समायोजनको सुविधा सहितको ह्यान्ड ब्रेक लिभर र क्लच लिभर दिएको छ । साथै अद्धितीय डिजाइनमा हल्का र लाउडर बुलपप् एक्जस्टसंगै टीभीएसका उपभोक्ताले बाटो र मौसमको आवश्यकता अनुसार ड्राइभिङ मोड छनोट गर्न सक्नेछन् ।

सो बाइकलाई स्पोर्टी बडी डिलक्स र स्पेशल कलर थीममा तयार गरिएको कम्पनीको भनाई छ ।अपाचे आरटिआर १६० भी४ मा १५९ सीसी, सिगंल सिलिन्डर, आयल कुल्ड आरटीएफआई इन्जिन छ । उक्त इन्जिनले १७.५ पीएस पावर र १४.७३ एनएम टर्क जेनेरेट गर्ने सामथ्र्य राख्दछ ।