क्यानाडामा जब ट्रक ड्राइभरलाई कोभिड खोप अनिबार्य गर्ने नियम लागु गरियो

क्यानाडामा ट्रक ड्राइभरलाई कोभिड खोप अनिबार्य पार्ने सरकारी नियमसंगै सुरु भएको आन्दोलनले चर्को रुप लिएको छ । एक साताभन्दा बढी सयमदेखी उक्त नियमको बिरुद्धमा उत्रिएका ट्रक ड्राइभरको आन्दोलनले उग्र रुप लिन थालेपछि राजधानी ओटवामा संकटकाल घोषणा गरिएको छ । आन्दोलनमा सहभागी ट्रक ड्राइभरले ‘फ्रिडम कन्भोई’ नाममा बिरोध प्रदर्शन जारी राखेका छन् ।

प्रदर्शनकारीहरुले तारम्तार हर्न र साइर बजाउने र पटका पड्काउने काम गरेर त्यसलाई पार्टी मनाएजस्तो गरेर अधिकांश शहर ठप्प पार्दै आएका हुन् । जसले शहरका बासिन्दाको सुरक्षमा समेत असर पुर्याएको ओटवाका मेयर वाट्सनले बताएका छन् ।

सरकारले अनिबार्य गरेको कोभिड खोपका बिरुद्धमा उत्रिएका उनीहरुले सडकमा टेन्ट र गाडीहरु राखेर अबरोध गरिरहेका छन् । आन्दोलन चर्किदै गएपछि केही दिनअघिमात्र प्रधानमन्त्री जस्टिन ट्रुडोले राजधानी छाडिसकेका छन् ।
कोभिडबिरुद्धको खोप लगाउने वा नलागउने भन्ने बिषयमा आफूहरुले निर्णय गर्न पाउनुपर्ने माग राख्दै उनीहरुले सरकारी निणर्यबिरुद्ध आन्दोलन गर्दै आएका हुन् ।