जेनजी प्रदर्शनपछि स्थगित लिखित र ट्रायल परीक्षा सुरु

काठमाडौं - सवारी चालक अनुमतिपत्र कार्यालय, एकान्तकुनाले लिखित र ट्रायल परीक्षा आजदेखि सञ्चालन गरेकाे छ। २३-२४ भदौको जेनजी प्रदर्शनका कारण सवारी चालक अनुमति पत्रसम्बन्धी ईडीएलभीआरएस प्रणाली अवरुद्ध भएपछि रोकिएको परीक्षा करिब दुई महिनापछि पुनः सञ्चालन हुन लागेको हो ।

कार्यालयका अनुसार भदौ २४ गते हुने भनिएको लिखित परीक्षा बिहान ७ बजे भएकाे छ । त्यस्तै, ए, बी र के वर्गको ट्रायल परीक्षा बिहान १० बजे सञ्चालन गरिने छ ।

यसका साथै, २४ भदौमा लिखित तथा प्रयोगात्मक परीक्षार्थीमध्ये कार्यालयबाट सम्पर्क हुन नसकेकाहरूले पछि कार्यालयमा सम्पर्क गरी परीक्षामा नाम समावेश गर्न सक्ने छन् । नयाँ दर्ता तथा वर्ग थपको अनलाइन आवेदन सम्बन्धी सूचना पछि प्रकाशन गरिने कार्यालयले जनाएको छ ।