टोयोटा वुमन -याली २०२४ को घोषणा, खुल्दै रजिष्ट्रेसन

काठमाडौं – टोयोटाको नेपालका लागि आधिकारिक वितरक युनाइटेड ट्रेडर्स सिन्डिकेट प्रालिले टोयोटा वुमन -याली २०२४ आयोजना गर्ने घोषणा गरेको छ । आगामी अप्रिल २० अर्थात बैशाख ८ गते हुने सो वुमन -यालीले अटोमोटिभ क्षेत्रमा क्रियाशील महिलाहरुको एड्भेन्चर र सहयोगीपनालाई अझै प्रगाढ बनाउने उद्देश्यका साथ आयोजना गर्न लागेको कम्पनीको भनाइ छ ।

टोयोटाले सन् २००४ देखि नै यस प्रकारको -याली आयोजना गर्दै आएको थियो । तर विभिन्न कारणले बिचमा भने रोकिएको थियो । त्यसैको निरन्तरताको रुपमा यो ¥याली आयोजना गर्न लागिएको हो ।

सो -यालीले महिलाहरुलाई आफ्नो ड्राइभिङ स्किल देखाउन र अरुलाई प्रभावित गर्न महत्वपूर्ण भूमिका खेल्ने विश्वास गरिएको छ ।

सो -यालीमा विजेताहरुलाई नगद पुरस्कार समेत प्रदान गरिने छ । पहिलो हुने टिमले ५० हजार, दोस्रो हुनेले २५ हजार र तेस्रो हुनेले १० हजार नगद पुरस्कार पाउने छन् ।

आगामी मार्च १० बाट यसका लागि रजिष्ट्रेसन खुला हुनेछ । -यालीमा भाग लिन चाहने टिमले ३ हजार रुपैयाँ रजिष्ट्रेसन शुल्क तिर्नु पर्नेछ । रजिष्ट्रेसन आगामी अप्रिल १० सम्म गर्न सकिने छ ।

युनाइटेड ट्रेडर्स सिन्डिकेटले -यालीमा प्रायोजन गर्न समेत विभिन्न कम्पनीहरुलाई आग्रह गरेको छ । त्यसैगरी यसमा टोयोटाका साथै अन्य कुनै पनि सवारी साधन सहभागी हुन सक्ने बताएको छ ।