टोयोटाले देखायो नयाँ जेनेरेशन कोरोलाको कन्सेप्ट, यस्तो हुनेछ डिजाइन र फिचर

टोयोटाले जापानमा जारी मोबिलिटी शो २०२५ मा कोरोलाको कन्सेप्ट सार्बजनिक गरेको छ । कम्पनीले मिडसाइज सेडानको नेक्स्ट जेनेरेशनलाई छिट्टै लन्च गर्ने जानकारी सहित नयाँ कन्सेप्ट सार्बजनिक गरेको हो ।

कोरोलाको उक्त कन्सेप्टमा ब्रान्डको बिजेड सिरिजबाट प्रेरित आकर्षक डिजाइन दिइएको छ । स्लिक र कम स्लङ सेडानमा बुमेराङ आकारको एलईडी डिआरएलको साथ अगाडि पूर्ण–चौडाइको एलईडी लाइट बार र पछाडि -यापराउन्ड एलईडी लाइट बार रहेको छ ।

साथै यसको फ्लेर्ड ह्वील आर्चहरूमा एगुंलर डिजाइन दिइएको छ भने १९ इन्चको ठुला ह्विल राखिएको छ । यसमा एकीकृत डकटेल स्पोइलर पनि उपलब्ध छ ।

कोरोला कन्सेप्टको भित्री भागमा थ्री स्पोक स्टेयरिङ ह्वील र सिधै स्टेयरिङ कोलममा माउन्ट गरिएको डिजिटल इन्स्ट्रुमेन्ट क्लस्टरको साथ एक मिनिमिलिस्टिक ड्यासबोर्ड छ । पछाडी सिटमा वस्ने यात्रुका लागि दोस्रो स्क्रिन प्रदान गरिएको छ ।

टोयोटाले कोरोला अवधारणाको कुनै प्राविधिक विवरणहरू सार्बजनिक गरेको छैन । यद्यपि, उत्पादन संस्करणले इलेक्ट्रिक, हाइब्रिड, प्लग–इन हाइब्रिड र परम्परागत आईसिई पावरट्रेन विकल्पमा उपलब्ध हुने अपेक्षा गरिएको छ ।