टोयोटाले किन फिर्ता बोलायो १ लाख ६८ हजार कार ? यस्तो छ कारण

जापनी कार निर्माता टोयोटाले आफ्ना उत्पादनमा समस्या देखिएपछि कार फिर्ता बोलाएको छ । सर्बाधिक चर्चामा रहेको टोयोटाले प्लास्टिकबाट बनेको ‘फ्यूल ट्यांक’ मा समस्या देखिएपछि १ लाख ६८ हजार वटा कार फिर्ता बोलाएको हो ।

समाचार संस्था सीएनएनका अनुसार टोयोटाले सन् २०२२ र २०२३ को मोडल मुन्द्रा फिर्ता बोलाएको छ । खासगमा प्लास्टिकबाट बनाइएको फ्युल ट्यांकमा लिक देखिएपछि मर्मतका लागि कम्पनीले फिर्ता बोलाइएको जनाइएको छ । लिकको समस्या भएको ट्युब कम्पनीले निःशुल्क परिवर्तन गर्नेछ ।

फ्यूल ट्यांकमा देखिएको समस्याले सवारीमा आगलागीको जोखिम हुने भएकाले मर्मतका लागि फिर्ता बोलाइएको कम्पनीले जनाएको छ । यस्तै, आफ्ना डिलरहरुलाई कम्पनीले विनाशुल्क ट्युब परिवर्तन गर्नका लागि भनिसकेको छ ।

टोयोटाको यो हाइब्रिड कारमा यसअघि ‘इलेक्ट्रोनिक ब्रेक’ प्रणालीमा समस्या आएको थियो । सो समयमा पनि कम्पनीले कारलाई फिर्ता बोलाएको थियो । यसपटक फिर्ता बोलाइएको कार संख्या भने सन् २०२३ मा सबैभन्दा ठूलो हो ।