ट्रान्समिसनमा समस्या आएपछि टोयोटाले फिर्ता बोलायो ल्यान्ड क्रुजर एलसी–३००

टोयोटाले अटोमेटिक ट्रान्समिसन सम्बन्धी सफ्टवेयर अपडेटका लागि भारतमा ल्यान्ड क्रुजर एलसी ३०० फिर्ता बोलाएको छ ।

टोयोटाका अनुसार फेब्रुअरी १२, २०२१ र फेब्रुअरी १, २०२३ सम्म निर्माण गरिएको ल्यान्ड क्रुजर एलसी ३०० का २६९ यूनिट मा समस्या देखिएको हो । यी एसयूभीमा जडान गरिएको १०–स्पीड अटोमेटिक ट्रान्समिसनको इसियूलाई पुनःप्रोग्राम गरेर ग्राहकलाई दिइने कम्पनीले जनाएको छ ।

सफ्टवेयर अपडेट निःशुल्क उपलब्ध हुने र सफ्टवेयर अद्यावधिक नभएसम्म ग्राहकहरूले आफ्नो एसयूभीलाई प्रयोगमा ल्याउन सक्ने कम्पनीको भनाई छ ।

ग्राहकहरूले टोयोटाको वेबसाइटमा भेहिकल आइडेन्टिफिकेशन नम्बर (भीन) मार्फत आफ्नो ल्यान्ड क्रुजर एलसी ३०० फिर्ता बोलाइएका मध्ये हो वा होइन भनेर जाँच गर्न सक्नेछन् ।