टोयोटाले ल्याउदैछ नयाँ एसयूभी फ्रन्टल्यान्डर, जारी भयो टिजर

टोयोटाले विश्व बजारको लागि नयाँ फ्रन्टल्यान्डर एसयूभीको टिजर तस्बिर जारी गरेको छ । नयाँ एसयूभी भर्खरै लन्च गरिएको कोरोला क्रस एसयूभीमा आधारित छ र लगभग उस्तै देखिन्छ । नयाँ फ्रन्टल्याण्डर एसयूभी सबैभन्दा पहिले चिनियाँ बजारमा लन्च हुने सम्भावना छ । त्यसपछि यो अन्य बजारमा लन्च गरिनेछ ।

फ्रन्टल्यान्डर एसयूभी टोयोटाको -याभ फोर एसयूभी भन्दा तल राखिनेछ । टोयोटाले यसलाई चिनियाँ ब्रान्ड जीएसीसँग साझेदारीमा बनाउनेछ । टिजर फोटोमा एसयूभीको साइड प्रोफाइल देखि रुफलाइनको झलक देख्न सकिन्छ । टोयोटाले पहिला देखि नै जीएसीसँग मिलेर धेरै मोडेलहरु वाइडल्यान्डर र क्राउन क्लगर जस्ता एसयूभी बिक्री गरिरहेको छ ।

नयाँ फ्रन्टल्यान्डर एसयूभीको धेरै जसो सुविधाहरु जापान स्पेक कोरोला क्रस एसयूभीसँग साझा गर्ने सम्भावना रहेको छ । फ्रन्टल्याण्डर र कोरोला क्रस मोडेलको साइड प्रोफाइल लगभग उस्तै देखिन्छ । यद्यपि फ्रन्टल्यान्डरको हेडल्याम्प, फ्रन्ट मेन ग्रिल र बम्पर कोरोला क्रस भन्दा अलि फरक देख्न सकिनेछ ।

फ्रन्टल्यान्डरलाई टोयोटाको टीएनजीए मोड्युलर प्लेटफर्ममा निर्माण गरेको छ । विश्व बजारमा टोयोटाको एसयूभी र सेडानको ठूलो रेन्ज यही प्लेटफर्मको प्रयोग गरिएको छ । फ्रन्टल्यान्डरमा १.८ लिटर पेट्रोल इन्जिन प्रयोग गरिएको छ । जसमा हाइब्रिड टेक्नोलोजीले सुसज्जित रहेको छ । यसमा अल ह्वील ड्राइभ धेरै जसो भेरियन्एमा स्ट्यान्डर्डको रूपमा उपलब्ध हुनेछ ।