हाइब्रिड कारको रेन्जमा इलेक्ट्रिक कार ल्याउने तयारीमा टोयोटा

टोयोटाले आफ्नो पोर्टफोलियोमा विद्युतीय सवारी साधनको संख्या बढाउने बहुपक्षीय रणनीति अपनाउने लक्ष्य राखेको छ । ब्याट्री इलेक्ट्रिक भेइकल फ्याक्ट्रीका अध्यक्ष ताकेरो काटोले कम्पनीले हाइब्रिड सवारी साधनको बराबरीमा ड्राइभिङ रेन्ज प्रदान गर्ने ब्याट्री इलेक्ट्रिक सवारीसाधन ल्याउन खोजिरहेको जानकारी दिएका छन् । टोयोटा टाइम्सका अनुसार अटो कम्पनीले बीईभीमा काम गरिरहेको र २०२६ सम्ममा बजारमा आउने सम्भावना छ ।

रिपोर्टका अनुसार ईभीमा लाग्ने लागतलाई घटाउनुका साथै टोयोटाले उत्पादन बढाउनमा पनि ध्यान केन्द्रित गरिरहेको छ । सन् २०३० सम्ममा कम्पनीले ३५ लाख बीईभी उत्पादन र बिक्री गर्ने योजना छ ।

टोयोटा सबैभन्दा ठूलो कार निर्माता मध्ये एक भए पनि इलेक्ट्रिक सवारी साधन क्षेत्रमा ढिलो प्रवेश गरेको कम्पनी हो । साथै, कम्पनी सधैं इलेक्ट्रिक रणनीतिको विरुद्धमा थियो । अन्य निर्माताले प्योर इलेक्ट्रिक कारमा जोड दिए पनि टोयोटा बीईभीका लागि हिचकिचाइरहेको थियो । यसको सट्टा कम्पनीले भेरिएबल ग्रीन पावरट्रेन समाधानमा ध्यान केन्द्रित ग¥यो । तर, विद्युतीय सवारी साधनको बढ्दो मागलाई ध्यानमा राखेर टोयोटाले आफ्नो रणनीति परिवर्तन गर्न बाध्य भयो ।

काटोले भने, ‘मलाई बीईभी मन पर्छ । बीईभी मार्फत म कार र कामको भविष्य परिवर्तन गर्न चाहन्छु । सबै भन्दा पहिले कार । हामी हाइब्रिड सवारी साधन जस्तै धेरै लोकप्रिय रहेका क्रुजिङ रेन्जका लागि लक्ष्य राख्नेछौं । यो ठूलो काम हो र हामीले बनाउने र डेलिभरी गर्ने बीईभी उत्पादनमा टोयोटाको अद्वितीय चरित्र महसुस गरून् भन्ने चाहन्छौं ।’