घरैमा धुन सकिन्छ बाइक : तर यी ४ कुरामा विशेष ध्यान दिनुस्

सहर होस् वा गाउँ, बाइक सबैका लागि अति आवश्यक साधन बनेको छ । बाइकलाई समय समयमा सफा पनि गर्नुपर्छ । सामान्यतया मानिसहरु घरमै बाइक धुने गर्छन् ।

तर घरमै बाइक धुँदा धेरै होसियार हुनु आवश्यक छ, किनकी बाइक धुँदा गरिने थोरै मात्र लापरवाहीले पनि बाइकलाई धेरै नोक्सान हुन सक्छ । बाइक धुँदा केही कुरामा ध्यान दिनुपर्छ । केही कुराको ख्याल राखेर आफ्नो बाइकलाई छिट्टै बिग्रनबाट बचाउन सकिन्छ ।

– बाइक धुँदा बाइकको एक्जस्ट पाइप अर्थात् साइलेन्सरलाई पानीबाट बचाउनुपर्छ, साइलेन्सरमा पानी परेमा बाइक स्टार्ट गर्न निकै गाह्रो हुन्छ । जसले गर्दा बाइकलाई पटक–पटक किक हानेर स्टार्ट गर्नु पर्ने हुन्छ ।

– बाइकलाई नरम कपडाले मात्र सफा गर्नुहोस् । यदि बाइकलाई नरम नभएको अन्य कुनै चीजले सफा गर्नुभयो भने, बाइकमा दाग लाग्न सक्छ । साथै, बाइकको रङ पनि विस्तारै बिग्रदै जान्छ । फलस्वरूप, बाइकले आफ्नो चमक गुमाउँछ र बाइक पहिलेको तुलनामा अलि पुरानो देखिन्छ ।

– बाइक धुनको लागि सधैं बाइक स्याम्पु प्रयोग गर्नुहोस् । यसले बाइकको चमक कहिल्यै बिगार्दैन ।

– बाइक धुँदा बाइकको कि–लकमा पानी नपार्ने प्रयास गर्नुहोस् । यदि बाइकको कि–लकमा पानी प¥यो भने, यसलाई खोल्न र बन्द गर्न समस्या हुनेछ ।