टिप्स : यसरी बचाउनुस् कारलाई ओभर हिटिङबाट

प्रत्येक चालकले कुनै न कुनै समयमा कारमा हुने ओभरहिटिङको सामना गरेको हुन्छ । प्रायः उचित समाधानको अभावमा यसलाई बेवास्ता गरिएको हुन्छ । कारलाइ ओभरहिटिङ हुनबाट जोगाउन निम्न उपायहरु अपनाउनुहोस् ।

कुलेन्टमा ध्यान दिनुहोस्
कुलेन्टको काम गाडीलाई बढी तताउनबाट जोगाउनु र गाडीलाई चिसो राख्नु हो । कुलेन्ट एक प्रकारको हरियो तेल हो, जसलाई धेरै विशेष ख्याल राख्नुपर्छ । यदि कारमा कुलेन्ट लिकेजको समस्या छ वा कुलेन्ट कम गुणस्तरको छ भने यसले इन्जिनलाई चिसो गर्दैन, जसका कारण इन्जिन तातो हुन्छ । साथै कुलेन्ट र पानी बराबर मात्रामा छ कि छैन भन्नेमा पनि ध्यान राख्नुपर्छ, यदि छैन भने गाडीमा कुलेन्ट थप्न सकिन्छ वा मेकानिक्सकहाँ गएर भर्न सकिन्छ ।

अवरोध सफा गर्नुहोस्
अत्यधिक सवारी साधन ड्राइभ गर्दा कुलेन्टमा रोकावट हुन सक्छ, जसका कारण गाडी तातो हुन थाल्छ । यस्तो अवस्थामा कुलेन्टमा कुनै अवरोध भइरहेको छ कि छैन भने सुनिश्चित गर्नुहोस् । यदि कारको रेडिएटरमा पर्याप्त कुलेन्ट छ, तर पनि इन्जिन बढी तातिरहेको छ भने कुलेन्टको नली जाँच गर्नुपर्छ । सडकको धुलोले पनि कुलेन्टलाई अवरोध गर्न सकिन्छ । यस अवस्थामा कुलेन्ट फ्लस गर्नुहोस् र पाइपलाई राम्ररी सफा गरेपछि, कुलेन्टलाई फेरि राख्नुहोस् । यसले कुलेन्टमा हुने अवरोधको समस्या समाधान हुन्छ । यसले केही समाधान भएन भने तुरुन्तै मेकानिक्सलाई कार जाँच गर्न लगाउनु पर्छ ।

मेकानिकको सहयोग लिनुहोस्
यी टिप्सहरू पालना गरे पनि कार तातिन बन्द हुँदैन भने नजिकको मेकानिकलाई देखाउनुपर्छ । यदि इन्जिन धेरै तातो छ भने कारको रेडिएटर, पानी पम्प, होज, हेड ग्याँस्केट वा थर्मोस्टेट हाउजिङमा केही चुहावट हुन सक्छ, जसले कारको इन्जिनलाई राम्ररी चिसो हुन दिँदैन । यदि कारमा यस्तो समस्या छ भने कार मेकानिकबाट जाँच गर्नु उपयुक्त हुन्छ ।