म्यानुअल गियर भएको कार ड्राइभ गर्दा नगर्नुस् यस्ता गल्ती

अटोमेटिक कार अहिले लोकप्रिय भइसकेको छ । अटोमेटिक गियरका कारण बारम्बार म्यानुअल रूपमा गियर परिवर्तन गर्ने झन्झट समाप्त भएको छ । यद्यपि म्यानुअल गियरबक्स भएका कार अझै पनि बजारमा उपलब्ध छ ।

म्यानुअल गियरबक्स भएका कार चलाउँदा केही गल्तीले गियरबक्स र इन्जिन नराम्ररी बिग्रन सक्छ । त्यसैले यस्ता कार चलाउँदा केही कुरामा ध्यान दिनुपर्छ ।

हात आरामको लागि गियर लिभर प्रयोग गर्नु हुँदैन । गियर लिभरमा हात राख्दा सेलेक्टर फोर्क रोटेटिङ कलरको सम्पर्कमा आउन सक्छ र गियर सिफ्ट हुने जोखिम हुन्छ । यस कारणले गर्दा कार चलाउँदा सधै स्टेयरिङ ह्विलमा हात राख्नुपर्छ ।

म्यानुअल गियरबक्सको कार चलाउँदा आफ्नो खुट्टा क्लचमा राखेर वा आधा क्लच थिचेर चलाउनु हुँदैन । यसले कारको क्लच प्लेट चाँडै बिग्रन्छ । साथै यसो गर्नाले इन्धन खपत पनि बढ्छ । अचानक ब्रेक लगाउनु पर्दा ब्रेकको सट्टा क्लच थिच्न सकिन्छ, जसले दुर्घटना निम्त्याउन सक्छ ।

ट्राफिक सिग्नलमा कारको इन्जिन रोक्न चाहनुहुन्न भने कारलाई न्युट्रलमा राख्नु उत्तम विकल्प हो । रातो बत्तीमा इन्जिन अफ नगर्ने र कारलाई दोस्रो गियरमा राख्दा क्लच थिच्नु पर्ने अवस्था प्रायः देखिन्छ । यसो गर्नाले इन्जिन र गियरबक्समा मात्र क्षति पुग्दैन यसले इन्धन खपत पनि बढ्छ । त्यसैले सधैं सिग्नलमा इन्जिन रोक्नुपर्छ ।

कारको गति बढाउँदा गति अनुसार गियर राख्नुपर्छ । कम गियरमा बढी स्पिड राख्दा इन्जिनमा दबाब पर्छ र आवाज आउन थाल्छ । यसले इन्धन बढी खपत हुन्छ । इन्जिन छिट्टै बिग्रने सम्भावना पनि हुन्छ । कारको गियरहरू सधैं उचित इन्जिन आरपीएममा परिवर्तन गर्नुपर्छ ।

उकालोमा कार चलाउँदा क्लच थिच्ने बानी नराम्रो हो । यसो गर्दा कार गियरलेस हुन्छ । उकालोमा क्लच थिचेर राख्दा कार पछाडि फर्कन सक्छ । ओकालो चढ्दा कारलाई सधै गियरमा राख्नुपर्छ र गियर परिवर्तन गर्दा मात्र क्लच प्रयोग गर्नुपर्छ ।