चर्चामा टिकटक भिडियो, जसले सिकाएको छ कार चोर्ने तरिका

अमेरिकामा एउटा टिकटक भिडियोले कार कम्पनीलाई हैरान पारेको छ । यो भिडियोमा हुन्डाई र किया कार कसरी चोर्ने भन्ने तरिका बताइएको छ । भिडियो भाइरल भएपछि अमेरिकामा यी दुई कम्पनीको कार चोरीका घटनामा ३० प्रतिशतले वृद्धि भएको छ । यो समस्याले अहिले सबै कार कम्पनीहरुलाई सचेत गराएको छ ।

रिपोर्टका अनुसार सन् २०२१ मा एक प्रयोगकर्ताले टिकटकमा एउटा भिडियो अपलोड गरेका थिए, जसमा सन् २०१५ र २०१९ बीच अमेरिकामा बनेका हुन्डाई र किया कार चोर्ने तरिका बताइएको छ । भिडियोमा एउटा यूएसबी केबलबाट कारको इन्जिन कसरी स्टार्ट गर्ने भनेर व्याख्या गरिएको छ ।

रिपोर्टका अनुसार सन् २०१५ र २०१९ को बीचमा बनाइएका हुन्डाई र किया कारमा इलेक्ट्रोनिक इमोबिलाइजर समावेश गरिएको थिएन । यसले ती कारहरू चोर्न चोरलाई सजिलो बनाएको छ ।

इलेक्ट्रोनिक इमोबिलाइजरले इग्निशनलाई बाइपास गरेर कार स्टार्ट गर्न असम्भव बनाउँछ । यस्तो अवस्थामा कारको ढोका खोलेर भित्र पसे पनि इन्जिन स्टार्ट गर्न सकिदैन ।

हाल हुन्डाई र कियाले अमेरिकामा ८३ लाख कार अपग्रेड गर्ने जानकारी दिएका छन् । तर, कम्पनीहरूले भने यसका लागि लामो समय लाग्ने बताएका छन् । हाल कम्पनीले सुरक्षा निकायको सहयोगमा ह्विल लक, स्टेयरिङ ह्विल लक जस्ता सुरक्षा उपकरण निःशुल्क उपलब्ध गराउँदै आएका छन् ।