चेरी टिग्गो ७ प्रो अब नेपालमा : उही मूल्यमा माइलेज र सेफ्टीयुक्त माथिल्लो लेवलको गाडी

काठमाडौं – नेपालमा चेरी कारको आधिकारिक वितरक एसपीजी अटोमोबाइल्स प्रालिले चेरी टिग्गाो ७ प्रो औपचारिक रुपमा लन्च गरेको छ । प्रो सिरिजको अति नै आकर्षक १.५ लिटर टर्बो पेट्रोल इन्जिनयुक्त सो एसयूभी थापाथली शोरुममा टेस्ट ड्राइभका लागि उपलब्ध छ ।

चेरी प्रो फेमिली सिरिजको नयाँ मोडल चेरी टिग्गो ७ प्रो उत्कृष्ट डिजाइन, समृद्ध प्राविधिक सक्षमता र सुरक्षित तथा आरामदायी ड्राइभिङ अनुभवका लागि परिचित छ ।

यसमा भएको इन्जिनले १४७ पीएस पावर र २१० एनएम टर्क जेनेरेट गर्छ । सो इन्जिन ९ स्पिड सीभीटी गियरबक्ससँग जोडिएको छ । यसले गर्दा सुस्त र तीव्र दुवै स्पिडमा लगातार रुपमा उच्च पावर प्रदान गर्छ । यसलाई म्यानुअल र अटोमेटिक दुवै रुपमा चलाउन सकिन्छ । त्यसैगरी यो इको र स्पोर्ट गरी दुई मोडमा चलाउन सकिन्छ ।

यसमा पेप्स सिस्टम अर्थात प्यासिभ इन्ट्री प्यासिभ स्टप सिस्टम छ । गाडीलाई बाहिरबाटै रिमोटको सहयोगले नै स्टार्ट गर्न र भित्री भागमा एसी चलाएर केही समय राख्न सकिन्छ । एक छिन पछि मात्र आफू गाडी भित्र छिरेर आवश्यक कार्य गर्न सकिन्छ ।

यो गाडीको लम्बाई ४५०० एमएम, चौडाई १८४२ एमएम र उचाई १७४६ एमएम छ । यसमा ४७५ लिटरको बुट स्पेस छ भने सिट फोल्ड गरेर यसलाई १५ सय लिटर बनाउन सकिन्छ ।

गाडीको अघिल्लो भागमा म्याट्रिक्स डायमन्ड ग्रिल, डीआरएल, कर्नरिङ लाइट सहितको फगल्याम्प, रनिङ फ्लो वाटर स्टाइलको एलईडी लाइट, क्रिस्टल एलईडी प्लेट हेडलाइट, रेन सेन्सिङ वाइपर आदि छन् ।

यसको इन्टेरियर निकै नै आकर्षक छ । लेदर सिट सहितको ब्ल्याक–बेज थिममा आधारित क्याबिन छ । फ्रन्टमा सिक्स–वे इलेक्ट्रिकल्ली एड्जस्टेबल ड्राइभिङ सिट छ भने प्यासेन्जर सिट चाहिं फोर–वे इलेक्ट्रिकल्ली एड्जस्टेबल छ । यसमा थप फिचरको रुपमा प्यानोरामिक सनरुफ छ ।

यसमा ७ इन्च इन्स्ट्रयुमेन्ट क्लस्टर, १०.२५ इन्चको एचडी सेन्ट्रल कन्ट्रोल र एसी टचस्क्रिन सहितको ड्यासबोर्ड छ, जुन सबै इन्टरकनेक्टेड भएकाले प्रयोगकर्ताका लागि अझै इन्टेलिजेन्ट अनुभव गराउछ । यो गाडीमा ब्लुटुथ कनेक्टिभिटी, फिंगरटिपबाटै कन्ट्रोल गर्न सकिने क्रुज कन्ट्रोल र इन्टेलिजेन्ट भ्वाइस कन्ट्रोल जस्ता विभिन्न अत्याधुनिक प्रविधिहरु उपलब्ध छन् । यसमा फोर एड्जस्टमेन्ट सेटिङ गर्न सकिने मल्टी फङसन स्टेयरिङ ह्विल छ भने वायरलेस चाार्जर समेत उपलब्ध छ । यसमा भएको ३६० डिग्री क्यामेराको प्रयोग गरी गाडीको चारैतिरको अवस्था थाहा पाउन सकिन्छ भने ब्याकअप क्यामेराका कारण पार्किङ सहज हुन्छ ।

यसमा भ्यानिटी मिरर विथ इलुमिनेसन, ६ वटा स्पिकर छ, जुन चेरीले स्ट्यान्डर्ड रुपमा बनाएको छ । बाई जोन एसी छ, जुन ड्राइभर र प्यासेन्जरका लागि फरक तरिकाले प्रयोग गर्न सकिन्छ । कुलिङ बक्स रिमोटबाटै अन अफ गर्न पनि सकिन्छ ।

यसमा भ्वाइस कमान्डबाट विभिन्न निर्देशन दिएर आवश्यक कार्य गर्न सकिन्छ । अटो मिरर फोल्ड, अटो लक, एन९५ फिल्टर, ७ कलरको एम्बिएन्ट लाइटिङ आदि यसमा भएका थप फिचर हुन् ।

सुरक्षाको मामिलामा पनि यो गाडीमा कुनै सम्झौता गरिएको छैन । यसमा भएको ६ एयरब्याग, ईबीडी र बीए सहितको एबीएस, ईएसपी, टीसीएस, एचएसी, एचडीसी, स्पिड अलार्म, ब्लाइन्ड स्पट डिटेक्सन आदिले ड्राइभिङ अनुभवलाई अझै सुरक्षित बनाउछ ।

नेपाली बजारमा टिग्गो ७ प्रोको मूल्य ७४ लाख ९९ हजार रुपैयाँ तोकिएको छ । टिग्गो ७ प्रो ३ ड्युअल टोन र ७ मोनोटोन अप्सनमा उपलब्ध छ । ड्युअल टोनमा ब्ल्याक एन्ड रेड, ह्वाइट एन्ड ब्लु र ब्ल्याक एन्ड ह्वाइट अप्सन उपलब्ध छ भने मोनोटोनमा ब्लु, जेड ब्लु, ज्वेल रेड, सिल्भर, ग्रे, ब्ल्याक र ह्वाइट कलर अप्सन उपलब्ध छ ।

इन्ट्री लेवल भन्दा अलि माथिल्लो लेवलको गाडी चढ्न चाहने, तर माइलेज र सेफ्टी दुवै चाहने ग्राहकका लागि यो गाडी उपयुक्त हुने कम्पनीको भनाइ छ । भाइब्रेसन नहुने र उपयुक्त मूल्यमा धेरै फिचर भएको गाडी भएकाले धेरैका लागि उपयुक्त हुने कम्पनीको भनाइ छ ।

हालैको बजेटले १५ सय सीसी भन्दा माथिका गाडीको मात्र कर वृद्धि गरेकाले पनि यसका लागि थप मूल्य तिर्नुपरेको छैन । ग्राहकका लागि यो पनि एउटा उपयुक्त अवसर भएको बताइएको छ ।