गर्मीमा इलेक्ट्रिक कारको ब्याट्री यसरी राखौ सुरक्षित

गर्मीको मौसममा इलेक्ट्रिक कारको ब्याट्रीमा असर पर्न सक्ने भएकाले विशेष ख्याल राख्नुपर्छ । यदि गर्मीमा इलेक्ट्रिक कारको रेन्ज घट्यो भने चिन्ता लिनु पर्दैन । केही सरल सुझावहरू पालना गरेर कारको रेन्ज बढाउनुका साथै ब्याट्री बिग्रनबाट पनि बचाउन सकिन्छ ।

सिधा घामबाट जोगाउनुहोस् : कारलाई सकेसम्म छायाँमा पार्क गर्नुहोस् । ग्यारेज वा छानावाला पार्किङ क्षेत्र प्रयोग गर्नुहोस् । यद्यपि कार कभर प्रयोग गर्दा पनि ब्याट्री केही हदसम्म सुरक्षित रहन्छ। तीव्र घामको किरणले ब्याट्रीको आयु घट्न सक्छ।

ब्याट्रीको जाँच गर्नुहोस् : ब्याट्रीको टर्मिनल हेर्नुहोस् । साथै ब्याट्रीका तारहरू राम्रोसँग जडान भएको छ कि छैन भनेर सुनिश्चित गर्नुहोस् र नियमित रूपमा भोल्टेज र चार्ज स्तर परीक्षण गर्नुहोस् ।

तरल पदार्थको स्तर जाँच गर्नुहोस् : ब्याट्रीको इलेक्ट्रोलाइट स्तर कम भएमा, आवश्यक अनुसार डिस्टिल्ड वाटर थप्नुहोस्। अत्यधिक गर्मीले ब्याट्रीको पानी बाफ बनाएर उडाउँछ, जसले ब्याट्रीको आयु घटाउँछ।

इलेक्ट्रिकल सिस्टम चेक गर्नुहोस् : अल्टरनेटर सही रूपमा काम गरिरहेको छ कि छैन भनेर हेर्नुहोस्। अति उच्च वा कम भोल्टेजले ब्याट्रीलाई असर गर्न सक्छ।

अनावश्यक इलेक्ट्रोनिक्स नचलाउनुहोस् : इन्जिन बन्द हुँदा एसी, रेडियो वा अन्य इलेक्ट्रोनिक उपकरण लामो समयसम्म नचलाउनुहोस् । यसले ब्याट्री छिट्टै डिस्चार्ज हुन सक्छ।

ब्याट्रीको उमेर जाँच गर्नुहोस् : ब्याट्री ३–५ वर्ष पुरानो भएमा, गर्मी सुरु हुनुअघि नै नयाँ ब्याट्री प्रतिस्थापन गर्ने सोच गर्नुहोस्।

ब्याट्री इन्सुलेटर वा कभर प्रयोग गर्नुहोस् : केही गाडीहरूमा ब्याट्री सुरक्षा कभर हुन्छ, जुन ब्याट्रीलाई अति गर्मीबाट बचाउँछ।

राम्रोसँग चार्ज गर्नुहोस्: ईभीलाई धेरै समयसम्म चार्ज नगर्नुहोस् । सधैं २० प्रतिशत देखि ८० प्रतिशत सम्म चार्ज गर्नुहोस्।

उच्च गतिमा गाडी चलाउने र अचानक ब्रेक लगाउने काम नगर्नुहोस्: यसले ब्याट्री चाँडै सकिन्छ।

टायरमा उचित हावाको चाप कायम राख्नुहोस्: टायरमा कम हावाले रोलिङ प्रतिरोध बढाउँछ, जसले गर्दा ब्याट्री बढी खपत हुन्छ।

गर्मीमा ब्याट्रीको देखभाल नगरेमा यसको कार्यक्षमता घट्न सक्छ र छिट्टै बिग्रन सक्छ। माथिका उपाय अपनाएर कारको ब्याट्रीलाई गर्मीमा सुरक्षित राख्न सकिन्छ ।