टेस्लाको सस्ता कार आउने, वार्षिक ४० लाख युनिट उत्पादन गर्ने घोषणा

अमेरिकी ईभी निर्माता टेस्लाले वार्षिक ४० लाख सस्ता कार उत्पादन गर्ने घोषणा गरेको छ । आम उपभोक्तालाई लक्षित गरेर सन् २०३० बाट वर्षेनी यती धेरै संख्यामा सस्तो मूल्यका इन्ट्रि लेभल इभी वनाउने कम्पनीले घोषणा गरेको हो । यी कारको मूल्य २० हजार डलर पर्ने जनाइएको छ ।

२०३० बाट वार्षिक २ करोड कार उत्पादन गर्ने महत्वाकांक्षी लक्ष्य लिएको कम्पनीले सोही रणनिती अनुरुप कम मूल्यमा नयाँ इलेक्ट्रिक कार ल्याउन लागेको हो । महंगो मूल्यमा मात्रै कार उत्पादन गर्दा सो संख्या पुर्याउन कठिन हुने देखेर टेस्लााले कम मूल्यको ईभीलाई ठूलो भोल्युममा उत्पादन गर्ने घोषणा गरेको अनुमान लगाइएको छ ।

टेस्लाले केही वर्षयतादेखि नै सस्तो विद्युतीय कार बनाउने बताउँदै आएको थियो। उसले अवको केही समयपछि २५ हजार डलरको सस्तो कार सार्वजनिक गर्ने तयारी गरेको छ । तर टेस्लाले सस्तो कारबारे भने केही खुलाएको छैन। २५ हजार अमेरिकी डलरको विद्युतीय कार टेस्लाको लाइन अपमा भएको सबैभन्दा सस्तो कार हुनेछ ।

नेपाली बजारमा टेस्लाको तीन मोडलहरु मोडल वाई, टेस्ला मोडल ३ र टेस्ला मोडल एक्स उपलब्ध छन् । टेस्ला मोडल वाईको मूल्य २ करोड ३० लाख रुपैंयाँ रहेको छ । मोडल ३ स्ट्यान्डर्ड प्लसको १ करोड ४५ लाख रुपैयाँ मूल्य पर्छ ।