टेस्लाको पहिलो इलेक्ट्रिक ट्रक पेप्सीलाई डेलिभरी, सामान्य कार भन्दा ३ गुणा शक्तिशाली

टेस्लाले आफ्नो इलेक्ट्रिक ट्रकको डेलिभरी पेप्सीलाई दिएको छ । सो इलेक्ट्रिक ट्रक सामान्य ट्रक भन्दा ३ गुणा शक्तिशाली भएको कम्पनीले दाबी गरेको छ । सो ट्रक २० सेकेन्डमा ० देखि ९७ किलोमिटर प्रति घन्टाको गतिमा गुड्ने क्षमता छ । यसको ब्याट्रीको रेन्ज ८०५ किलोमिटर छ ।

पेप्सीले डिसेम्बर २०१७ मा १०० ट्रकको अर्डर गरेको थियो । सो ट्रकको अर्डर वालमार्ट र यूपीएसले पनि गरेका थिए ।

सो ट्रकमा ज्याकनाइफिङलाई रोक्नका लागि ट्रयाक्शन कन्ट्रोल, ब्याट्री एफिशिएन्सी बढाउनका लागि रिजनरेटिभ ब्रेकिङ, सीमलेस हाईवे ड्राइभिङका लागि अटोमेटिक क्लच, राम्रो भिजिबिलिटीका लागि युनिक सेन्ट्रल सिटिङ, दुबै तर्फ ठुलो स्क्रिन, कपहोल्डर्स र वायरलेस फोन चार्जर दिइएको छ ।

कम्पनीले सो ट्रकका लागि नयाँ लिक्विड कुल्ड चार्जिङ कनेक्टरको निर्माण गरेको छ । जसको १ मेगावाट डिसी करेन्ट पावर दिने क्षमता रहेको छ । सो ट्रकको मूल्य करिब १५ लाख डलर रहेको छ ।

डेमलर, भल्भो, पिटरबिल्ट र बीवाईडी जस्ता कम्पनीले पनि इलेक्ट्रिक ट्रकमा काम गरिरहेका छन् । भविष्यमा टेस्लाको इलेक्ट्रिक ट्रकले यी कम्पनीसँग प्रतिस्पर्धा गर्नुपर्ने हुन सक्छ ।