पब्जीमा अब टेस्लाका कार चलाउन पाइने

काठमाडौं – पब्जी मोबाइल गेममा अब टेस्लाका कार चलाउन पाइने भएको छ । यस सम्बन्धी विद्युतीय सवारी साधन निर्माता कम्पनी टेस्ला र पब्जी मोबाइल बीचमा सम्झौता सम्पन्न भएको छ । यसका लागि पब्जी मोबाइलले आफ्नो १.५ अपडेट समेत जारी गरेको छ ।

पब्जी मोबाइलमा टेस्ला गिगाफ्याक्ट्री, मोडल वाई इलेक्ट्रिक, ड्राइभिङ फिचर र सेमी सेल्फ ड्राइभिङ भेइकल देख्न पाइनेछ । खेलाडीले म्यापको माध्यमबाट टेस्लाको फ्याक्ट्रीसम्म पुग्न सक्नेछन् ।

त्यस पश्चात हाईवेमा अटोपाइलट मोडलाई प्रयोग गर्न सकिनेछ । यसले गेमरलाई सेट मार्क्र्सको लोकेसनमा पु¥याउनेछ । वाइल्ड सडकमा टेस्लाको सेमी सेल्फ ड्राइभिङ गाडी देखिनेछ । केही रुटमा यो गाडी स्वचालित रुपमा चल्नेछ ।

खेलाडीहरूले कारलाई तोडफोड गरेर त्यसलाई ड्रप सप्लाई क्रेट बनाएर युद्ध सामग्री लैजान सक्नेछन् ।