डिलरशिपमा पुग्यो ओला इलेक्ट्रिक मोटरसाइकल, छिट्टै विक्री थालिने

ओलाले हालै लन्च गरेको इलेक्ट्रिक मोटरसाइकल भरतका डिलरशिपमा पुग्न थालेको छ । यसै महिनाको अन्त्यदेखी टेष्ट राइड क्याम्पेन सुरु गरेर नयाँ बाइक डेलिभरी दिने कम्पनीको योजना छ ।

ओलाले रोडस्टर एक्सलाई इन्ट्री लेभल सेगमेन्ट इलेक्ट्रिक बाइक, मिड सेगमेन्टमा रोडस्टर र प्रिमियम सेगमेन्टमा रोडस्टर प्रो लन्च गरेको थियो । बाइकमा धेरै उत्कृष्ट फिचर दिइएको छ ।

ओलाले आफ्नो नयाँ बाइकहरूमा धेरै ब्याट्रीको विकल्प प्रदान गरेको छ । रोडस्टर प्रोमा ८ र १६ किलोवाट क्षमताको ब्याट्री विकल्प दिइएको छ, जसले फुल चार्जमा ५७९ किलोमिटरको रेन्ज दिन्छ । साथै यसमा जडान गरिएको मोटरले ५३ किलोवाटको पावर र १०५ एनएम टर्क जेनेरेट गर्छ ।

रोडस्टरमा ३.५, ४.५ र ६ किलोवाटको ब्याट्रीको विकल्प उपलब्ध छ । जसका कारण यसले २४८ किलोमिटरको रेन्ज प्रदान गर्छ । ओला इलेक्ट्रिकको इन्ट्री लेभल सेगमेन्ट रोडस्टर एक्स इलेक्ट्रिक बाइक २.५, ३.५ र ४.५ किलोवाट क्षमताको ब्याट्री प्रदान गरिएको छ । यसको टप स्पिड २०० किलोमिटर रहेको छ ।

इलेक्ट्रिक बाइकमा एलईडी डीआरएल, यूएसडी फोर्क, टु च्यानल स्विच गर्न मिल्ने एबीएस, अगाडि र पछाडि डिस्क ब्रेक, कर्नरिङ एबीएस, इमर्जेन्सी एसओएस, स्पिड लिमिट अलर्ट, एडप्टिभ क्रुज कन्ट्रोल, कलिसन अलर्ट, रेस फर राइड, अर्बन रेन र अफ रोड मोड जस्ता फिचर दिइएको छ । जबकि इन्ट्री लेभल रोडस्टर एक्स इलेक्ट्रिक बाइकमा सीबीएस, डिस्क ब्रेक, स्पोर्टस, नर्मल, ईको राइडिङ मोड, टर्न बाई टर्न नेभिगेसन, ओटीए अपडेट र डिजिटल की लक जस्ता फिचर प्रदान गरिएको छ ।

ओलाले रोडस्टर एक्स इलेक्ट्रिक बाइकलाई ७५ हजार भारुमा लन्च गरेको थियो भने रोडस्टरको १ लाख ५ हजार भारु र रोडस्टर प्रो ८ को २ लाख भारु तोकेको छ ।