इलेक्ट्रिक कार बजारमा टाटाको प्रभुत्व कायमै: जुलाईमा १२,५०० भन्दा बढी ईभी बिक्री

भारतीय अटोमोबाइल बजारमा टाटा मोटर्सले इलेक्ट्रिक सवारी साधनमा आफ्नो बलियो पकड कायम राखेको छ । भारतमा जुलाई महिनामा इलेक्ट्रिक सवारी साधनको बिक्री तथ्याङ्क सार्वजनिक भएको छ । सो तथ्याङ्क अनुसार सो महिना टाटा मोटर्सको ईभीले बिक्रीमा आफ्नो बर्चस्व कायम राखेको छ ।

टाटा मोटर्स : जुलाई २०२६ मा टाटा मोटर्सले गत महिनाको ३१ दिनमा १२५८४ दर्ताका साथ ईभी खण्डमा आफ्नो शीर्ष स्थान कायम राखेको छ। यसले टाटाको इलेक्ट्रिक कारको विश्वास र माग बलियो रहेको प्रमाणित गर्छ।

महिन्द्रा एण्ड महिन्द्रा : महिन्द्रा एण्ड महिन्द्राले आफ्नो बलियो पोर्टफोलियोको कारणले गर्दा ईभी बजारमा दोस्रो स्थान सुरक्षित गरेको छ। महिन्द्राले जुलाईमा कुल ७२०३ इलेक्ट्रिक कार दर्ता रेकर्ड गरेको छ।

जेएसडब्ल्यु एमजी मोटर: जुलाई २०२६ मा ५२१९ दर्ताका साथ जेएसडब्ल्यु एमजी मोटर इन्डियाले सूचीमा तेस्रो स्थान हासिल गर्‍यो। एमजीले आफ्ना एड्‍भान्स टेक्नोलोजीका कारण भारतीय ग्राहकलाई आकर्षित गरेको छ ।

मारुती सुजुकी : जुलाई महिनाको इलेक्ट्रिक कार बिक्री तथ्याङ्कको सूचीमा मारुती सुजुकी चौथो स्थानमा छ । सुजुकीको एकमात्र इलेक्ट्रिक एसयूभी ई-भिटाराको कुल १४५९ युनिट बिक्री भएको छ। मारुती सुजुकी शीर्ष ५ को दौडमा चौथो स्थानमा छ ।

भिनफास्ट : जुलाई २०२६ मा भिनफास्ट शीर्ष ५ इलेक्ट्रिक कार कम्पनीहरूको सूचीमा पाँचौं स्थानमा छ, जसमा कुल १,४१८ ईभी दर्ता भएका थिए। भिनफास्टले धेरै छोटो समयमा भारतीय बजारमा बलियो स्थान स्थापित गरेको छ ।